@cecilia7171996: “မေတ္တာရှိနေသေးပေမယ့် ပြန်မသွားသင့်တဲ့ နေရာတွေရှိတယ်” လူတွေက လမ်းခွဲကြတယ်၊ ဆက်ဆံရေးတခုကို အဆုံးသတ်လိုက်ကြတယ်ဆိုရင် မုန်းသွားလို့၊ သံယောဇဉ်တွေ ကုန်ခန်းသွားလို့လို့ပဲ ထင်တတ်ကြတယ်။ ဒါပေမဲ့ တကယ်တမ်းကျတော့ ဆက်ဆံရေးတိုင်းမှာ လူတယောက်ကို ချစ်ရက်နဲ့၊ မေတ္တာတွေ အပြည့်ရှိနေသေးရက်နဲ့ ကျောခိုင်းထွက်ခွာလာရတဲ့ အခြေအနေတွေ ဘဝမှာ အများကြီး ရှိပါတယ်။ အဲဒီလို ထွက်ခွာလာရတာဟာ သူ့ကို မချစ်တော့လို့ မဟုတ်ပါဘူး။ အဲဒီနေရာမှာ ဆက်နေရင် ကိုယ့်ကိုယ်ကို ပြန်မုန်းလာတော့မှာကို သိလို့ပါ။ ကိုယ့်ကို တန်ဖိုးမထားတဲ့သူ၊ ကိုယ့်ခံစားချက်ကို အလေးအနက် မထားတဲ့သူ၊ ကိုယ့်ကို နေ့တိုင်းလိုလို စိတ်ဆင်းရဲအောင် လုပ်နေတဲ့သူတွေနားမှာ ဆက်ပြီး တွယ်ကပ်နေတာဟာ ကိုယ့်ဝိညာဉ်ကို ကိုယ်တိုင် ပြန်ဖျက်ဆီးနေတာနဲ့ အတူတူပါပဲ။ 🔳 ထွက်လာပြီးတဲ့နောက်မှာလည်း လွမ်းတဲ့ရက်တွေ၊ အရာရာကို ခွင့်လွှတ်ပြီး ပြန်သွားချင်တဲ့ စိတ်တွေ ဖြစ်ပေါ်လာတတ်ပါတယ်။ ကောင်းခဲ့ဖူးတဲ့ အမှတ်တရလေးတွေကို ပြန်တွေးပြီး "သူများ ပြောင်းလဲသွားမလား" "ငါများ ထပ်ပြီး သည်းခံလိုက်ရင် အဆင်ပြေသွားမလား" ဆိုပြီး စိတ်က အကြိမ်ကြိမ် လွန်ဆွဲနေတတ်တယ်။ သတိရတိုင်း ပြန်လှည့်သွားချင်တဲ့ ခြေလှမ်းတွေကို ခက်ခက်ခဲခဲ တားဆီးထားရတာဟာ အင်မတန် နာကျင်ရတဲ့‌ရွေးချယ်မှုတခုပါ။ ကိုယ့်စိတ်ကို ကိုယ်ပြန်နိုင်အောင် တိုက်နေရတဲ့ တိုက်ပွဲမို့လို့ ပိုပြီး ပင်ပန်းရပါတယ်။ 🔳 ဒါပေမဲ့ သေချာတာတခုက မေတ္တာတခုတည်းနဲ့ ဆက်ဆံရေးတခုကို ရေရှည်တည်ဆောက်လို့ မရပါဘူး။ ခိုင်မာတဲ့ ဆက်ဆံရေးတခု ဖြစ်ဖို့ဆိုရင် အဲဒီထဲမှာ အပြန်အလှန် လေးစားမှု (Respect) ပါရမယ်၊ နားလည်မှု ပါရမယ်၊ ကိုယ့်ရဲ့တည်ရှိမှုကို အသိအမှတ်ပြု တန်ဖိုးထားမှုတွေ ပါဝင်နေမှသာ ကျန်းမာတဲ့ ဆက်ဆံရေးတခု ဖြစ်လာတာပါ။ ကိုယ့်ကို အမြဲတမ်း သိမ်ငယ်စေတဲ့ နေရာ၊ ကိုယ့်ကို အမြဲတမ်း မျက်ရည်ကျစေတဲ့ နေရာတခုဟာ ကိုယ်ဘယ်လောက်ပဲ သံယောဇဉ်ကြီးကြီး ကိုယ်နဲ့ မထိုက်တန်တော့တဲ့ နေရာတခုပါပဲ။ 🔳 တချို့လူတွေကို အဝေးကနေပဲ ဆက်ချစ်နေခွင့် ရှိပါတယ်။ ကိုယ့်စိတ်ထဲမှာ သူ့အတွက် နေရာတနေရာ ချန်ထားပေးလို့ ရပေမဲ့၊ ကိုယ့်ဘဝထဲကိုတော့ ထပ်ပြီး ဝင်ခွင့်ပေးလိုက်လို့ မဖြစ်တော့ပါဘူး။ ပြန်သွားလိုက်တိုင်း အရင်က ဒဏ်ရာဟောင်းတွေ အပေါ်မှာ ဒဏ်ရာသစ်တွေ ထပ်ကိန်းလာဖို့ပဲ ရှိပါတယ်။ ဘယ်တော့မှ မပြောင်းလဲနိုင်တဲ့ လူတယောက်အတွက် ကိုယ့်ရဲ့ အဖိုးတန်တဲ့ အချိန်တွေ၊ ခံစားချက်တွေကို ထပ်ပြီး ရင်းနှီးမြှုပ်နှံဖို့ မသင့်တော်တော့ပါဘူး။ 📌 ဒါကြောင့် မေတ္တာရှိနေသေးပေမဲ့ ပြန်မသွားသင့်တဲ့ နေရာတွေ၊ လွမ်းနေသေးပေမဲ့ ပြန်မဆက်သွယ်သင့်တဲ့ လူတွေဆိုတာ ရှိကိုရှိပါတယ်။ #selflove #crdtotheowner #growth

everyone_woo’s

Open In TikTok:

Region: US

Sunday 06 September 2026 21:05:25 GMT