@g.d2010: အမေ... ငွေဆိုတာ တကယ်တော့ အေးစက်စက်နဲ့ ဘာအသံမှ မထွက်တဲ့ စက္ကူစုတ်သာသာလေးပါပဲ။ ‎ ‎သူ့မှာ စကားပြောဖို့ လျှာလည်းမပါသလို၊ သူတစ်ပါးကို နာကျင်အောင်လုပ်ဖို့ နှလုံးသားလည်း မရှိပါဘူး။ ‎ ‎ဒါပေမဲ့ ဒီနေ့ခေတ်ကြီးထဲမှာ... ‎လူတွေကပဲ အဲ့ဒီအသံမထွက်တဲ့ ငွေကြေးနောက်မှာ ဝပ်စင်းခညောင်းရင်း၊ ငွေရှိရင် အရာရာကို လွှမ်းမိုးချုပ်ကိုင်လို့ ရတယ်ဆိုတဲ့ အထာနဲ့ မောက်မာမှုအဆိပ်တွေ တက်နေကြတာ။ ‎ ‎အချင်းချင်း ဆက်ဆံတဲ့နေရာမှာလည်း "လူ" ဆိုတဲ့ တန်ဖိုးထက် "ငွေ" ဆိုတဲ့ အနိမ့်အမြင့်ကိုပဲ အရင်ဆုံး ကြည့်တတ်လာကြတယ်။ ‎ ‎မျက်နှာချင်းဆိုင် စကားပြောနေကြပေမဲ့ ထွက်လာတဲ့ စကားလုံးတိုင်းမှာ စာနာနားလည်မှုတွေ မပါတော့ဘဲ ငွေနံ့တွေ၊ ဂုဏ်ပကာသနတွေပဲ ဖုံးလွှမ်းနေတော့တာပေါ့။ ‎ ‎အမေ သွန်သင်ခဲ့တဲ့ "လူသားဆန်မှု" ဆိုတဲ့ အဆုံးအမတွေဟာ ဒီနေ့ခေတ်ရဲ့ ဆူညံပွက်လောရိုက်နေတဲ့ "ငွေစကား" တွေကြားထဲမှာ သိပ်ကို တိုးညှင်းလွန်းလှပါတယ် အမေရယ်။ ‎ ‎ငွေက စကားမပြောပေမဲ့ လူတွေကပဲ ငွေနောက်လိုက်ရင်း နှလုံးသားကို စတေးပြီး စကားတွေ အကျယ်ကြီး ပြောနေကြတာပါပဲ...။ #စာသားcrdပေးပါတယ်နော်😗 #fypシ

996

221

There are no more comments for this video.

To see more videos from user @g.d2010, please go to the Tikwm homepage.