ہوتے ہیں کچھ لوگ جن کے لیے دل کرتا ہے، پگھلا جائے، خود کو بدلا جائے۔ جن کی ایک مسکراہٹ کے بدلے اپنی ساری اداسی ہنس کر سہہ لی جائے، جن کی خاطر اپنی ضد، اپنی انا، اپنی عادتوں تک کو چھوڑ دیا جائے۔ کچھ لوگ زندگی میں یوں آتے ہیں جیسے تھکے ہوئے مسافر کو دور کہیں سایہ مل جائے، جیسے بےرنگ موسم میں اچانک کوئی پھول کھل جائے۔ ان کے قریب رہ کر لگتا ہے کہ محبت صرف حاصل کرنے کا نام نہیں، کبھی کسی کے سکون کی خاطر خود کو خاموش کر دینا بھی محبت ہے، کبھی اپنی خواہش کو دفن کر کے کسی کی خوشی کو ترجیح دینا بھی محبت ہے۔ ہوتے ہیں کچھ لوگ جنہیں دیکھ کر دل کہتا ہے کہ اپنی پرانی ذات چھوڑ دو، جو سختیاں تم نے زمانے سے سیکھیں انہیں آہستہ آہستہ توڑ دو، اور اگر ان کے لیے بدلنا پڑے تو بدل جاؤ، مگر اتنا بھی نہیں کہ خود کو ہی بھول جاؤ۔ وہ لوگ جن کی آواز میں ایک عجیب سا اطمینان ہوتا ہے، جن کے چند لفظ دل کے اندر برسوں سے بند دروازے کھول دیتے ہیں۔ جن کے ہونے سے زندگی تھوڑی کم مشکل، راتیں تھوڑی کم تنہا، اور دل تھوڑا زیادہ زندہ لگتا ہے۔ مگر شاید یہی لوگ سب سے بڑا امتحان بھی ہوتے ہیں، کیونکہ ان سے محبت ہو جائے تو انسان اپنی ذات سے زیادہ ان کی خوشی کا خیال رکھنے لگتا ہے۔ پھر ان کی ناراضی اپنی شکست لگتی ہے، ان کی خاموشی اپنی سزا محسوس ہوتی ہے، اور ان کی دوری میں سارا شہر قریب ہو کر بھی خالی خالی لگتا ہے۔ کبھی کبھی دل چاہتا ہے کہ ان کے سامنے بیٹھ کر بس اتنا کہہ دیں، تمہیں پانے کی ضد نہیں، بس تمہیں کھونے کا حوصلہ نہیں۔ ہوتے ہیں کچھ لوگ جن کے لیے واقعی دل کرتا ہے، پگھلا جائے، خود کو بدلا جائے، اپنی ہر تلخی بھلا دی جائے، اپنی ہر شکایت مٹا دی جائے۔ مگر محبت کی سب سے خوبصورت حد شاید یہ ہے کہ انسان کسی کے لیے بدلتے بدلتے اپنی اصل خوبصورتی نہ کھوئے۔ کیونکہ جو شخص تمہیں چاہتا ہے، وہ تمہاری بدلی ہوئی ذات نہیں، تمہارا سچا وجود چاہتا ہے۔ اور اگر کبھی وہ شخص زندگی سے دور بھی ہو جائے، تو اس کی دی ہوئی محبت کو دل میں دعا کی طرح رکھنا، کیونکہ کچھ لوگ مل کر زندگی کا حصہ نہیں بنتے، بلکہ زندگی کا مطلب سمجھا جاتے ہیں۔ #fyp - @notyourkami0