တချို့ယောကျ်ားတွေက မိန်းမနောက်လိုက်ပြီး ကိုယ့်ဘဝကို ကိုယ်မဦးဆောင်တတ်တော့ဘူး။ လိုင်းသုံးတာနဲ့ အချိန်ကုန်၊ ဘာစီးပွားရေးမှ မကြိုးစား၊ အိမ်မှုကိစ္စကျတော့ မကျွမ်းကျင်၊ မိသားစုအတွက် တာဝန်ယူဖို့ကျတော့ နောက်ဆုတ်နေပြီး ကိုယ်လိုချင်တာ၊ ကိုယ်ရချင်တာကျတော့ ရှေ့ဆုံးကနေ တောင်းဆိုတတ်ကြတယ်။ အိမ်ထောင်ရေးဆိုတာ မိန်းမတစ်ယောက်တည်းက ရှာဖွေ၊ မိန်းမတစ်ယောက်တည်းက စီမံ၊ မိန်းမတစ်ယောက်တည်းက အိမ်ကိုထိန်း၊ မိန်းမတစ်ယောက်တည်းက သားသမီးကို ပျိုးထောင်ပြီး ယောကျ်ားကတော့ အဆင်သင့်ရလာတာကိုပဲ ခံစားနေဖို့ မဟုတ်ပါဘူး။ ယောကျ်ားက ယောကျ်ားပီသဖို့ဆိုတာ ပိုက်ဆံရှာနိုင်တာတစ်ခုတည်း မဟုတ်ပါဘူး။ တာဝန်ယူတတ်ရမယ်။ ကြိုးစားတတ်ရမယ်။ မိသားစုကို ဦးစားပေးတတ်ရမယ်။ မိန်းမပင်ပန်းနေတာကို မြင်တတ်ရမယ်။ ကိုယ်မလုပ်နိုင်တဲ့အရာတွေကို သင်ယူပြီး ကူညီတတ်ရမယ်။ အထူးသဖြင့် မိန်းမတစ်ယောက်က အိမ်ထောင်ရေးတစ်ခုလုံးကို သူ့ပခုံးပေါ်တင်ပြီး တစ်ယောက်တည်း ရုန်းကန်နေရတဲ့အခါ “သူ့မိန်းမက အရာရာကို ဦးဆောင်နိုင်တယ်” လို့ မမြင်ပါနဲ့။ တကယ်တော့ သူ့မှာ ရွေးချယ်စရာမရှိလို့ ဦးဆောင်နေရတာလည်း ဖြစ်နိုင်ပါတယ်။ နှစ်တွေကြာလာတဲ့အခါ မိန်းမတစ်ယောက်ရဲ့ စိတ်က ပိုက်ဆံမရှိလို့ ပျက်စီးတာထက် “ငါတစ်ယောက်တည်းပဲ အားကိုးနေရတယ်” ဆိုတဲ့ခံစားချက်ကြောင့် ပိုပင်ပန်းလာတတ်တယ်။ သားသမီးတွေကလည်း အမေဘယ်လောက်ပင်ပန်းခဲ့လဲဆိုတာ အချိန်ကြာလာရင် သိလာကြပါတယ်။ ဒါကြောင့် မိန်းမတစ်ယောက်အနေနဲ့လည်း အိမ်ထောင်ရေးကို ထိန်းသိမ်းဖို့ ကြိုးစားတာက ကောင်းပါတယ်။ ဒါပေမယ့် ကိုယ့်တစ်ယောက်တည်းရဲ့အားနဲ့ အိမ်ထောင်ရေးတစ်ခုလုံးကို အဆုံးမဲ့ထမ်းထားစရာ မလိုပါဘူး။ ပြောသင့်တာပြောပါ။ ပြင်ဆင်ဖို့အခွင့်အရေးပေးပါ။ တာဝန်ယူလာမလား စောင့်ကြည့်ပါ။ ဒါပေမယ့် အမြဲတမ်း ကိုယ်ပဲပေးဆပ်၊ ကိုယ်ပဲခံစား၊ ကိုယ်ပဲပြင်ဆင်ပြီး တစ်ဖက်ကတော့ ဘာမှမပြောင်းလဲဘူးဆိုရင်— ကိုယ့်ဘဝကို ကိုယ်ပြန်ရွေးချယ်ဖို့ မကြောက်ပါနဲ့။ လမ်းခွဲခြင်းဟာ အမြဲတမ်းရှုံးနိမ့်ခြင်းမဟုတ်ပါဘူး။ တစ်ခါတလေ ကိုယ့်တန်ဖိုးကို ကိုယ်ပြန်ကယ်တင်ခြင်း ဖြစ်နိုင်ပါတယ်။ မိန်းမတစ်ယောက်ဟာ ယောကျ်ားတစ်ယောက်ကို ဘဝတစ်လျှောက်လုံး ဆွဲတင်ပေးဖို့ မွေးလာတာမဟုတ်ပါဘူး။ အတူတူလျှောက်ဖို့ မွေးလာတာပါ။ အတူတူကြိုးစားဖို့ပါ။ အတူတူဘဝတည်ဆောက်ဖို့ပါ။ အိမ်ထောင်ရေးက တစ်ယောက်တည်းရုန်းရတဲ့ခရီး ဖြစ်လာပြီဆိုရင် အဲ့ဒီခရီးကို ဘယ်အချိန်ထိ ဆက်လျှောက်မလဲဆိုတာ ကိုယ်တိုင်ဆုံးဖြတ်ပိုင်ခွင့်ရှိပါတယ်။ Mergui🥰🥰🥰 #အိမ်ထောင်ရှင်အမျိုးသမီးတို့အတွက် - @mr.mergui2026