@moh_swss: Wasaaradda Caafimaadka Dowladda Koonfur Galbeed oo La Wareegtay Qalab Kombiyuutarro ah oo Lagu Xoojinayo Nidaamka Macluumaadka Caafimaadka. Baydhabo, 7 Sebteembar 2026- Wasaaradda Caafimaadka iyo Daryeelka Bulshada ee Dowladda Koonfur Galbeed Soomaaliya ayaa maanta la wareegtay qalab kombiyuutarro iyo agab la xiriira oo loogu talagalay xoojinta Nidaamka Macluumaadka Caafimaadka iyo horumarinta adeegyada caafimaadka. Munaasabadda wareejinta oo ka dhacday xafiiska Wasaaradda Caafimaadka ee Baydhabo, waxaa ka qeyb galay Wasiirka Wasaaradda Caafimaadka iyo Daryeelka Bulshada, Mudane Cabduqaadir Shariif Sheekhuna, Wasiiru Dowlaha iyo mas’uuliyiin ka socday Hay’adda Action Against Hunger (ACF) kuwaas oo si rasmi ah ugu wareejiyey qalabkan Wasaaradda. Qalabkan ayaa qeyb ka ah taageerada Damal Caafimaad Project, waxaana loogu talagalay in lagu xoojiyo awoodda Wasaaradda ee maareynta xogta caafimaadka, go’aan qaadashada ku saleysan xog sugan iyo tayeynta adeegyada caafimaadka. Wasiirka Caafimaadka ayaa uga mahadceliyey Hay’adda Action Against Hunger taageerada ay si joogto ah ugu fidiso Wasaaradda, isagoo adkeeyey muhiimadda ay leedahay wada shaqeynta bah wadaagta caafimaadka ee horumarinta nidaamka caafimaadka Koonfur Galbeed. DHAMMAAD Wixii faahfaahin dheeraad ah, kala xiriir Xafiiska Isgaarsiinta iyo Xiriirka Dadweynaha ee Wasaaradda Caafimaadka iyo Daryeelka Bulshada Dowladda Koonfur Galbeed Soomaaliya. Email: [email protected] Facebook: https://www.facebook.com/@mohswss Twitter/X: https://twitter.com/MoH_SWSS Website: http://moh.sw.so

Ministry of Health - SWSS

Open In TikTok:

Region: SO

Monday 07 September 2026 10:54:13 GMT