@zakiabdisalan2: GALKACYO: Taliyaha Saldhigga Galbeed ee Warshad Galey ee magaalada Galkacyo, Xiddigle Mahad Siciid Axmed, ayaa hoggaamiyay howlgal qorsheysan oo lagu qabtay 7 eedeysane oo saarnaa gaari nooca Probox-ka ah. Howlgalka ayaa lagu qabtay maandooriye kala duwan, kuwaas oo ay ka mid yihiin laba kartoon oo khamri ah, kaniiniyo maandooriye ah, irbado iyo xashiish, iyo Laba qori oo ah AK47 kuwaas oo ciidamadu gacanta ku dhigeen xilli ay howlgalka fulinayeen. Taliyaha ayaa howlgalka kaashanayay qaar ka mid ah saraakiisha ciidamada Daraawiishta Gobolka Mudug, oo ay ka mid yihiin Kabtan Ayuub Cabdicasis Maxamuud iyo G/le Dhexe Baardaaq. Toddobada eedeysane ayaa hadda ku jira gacanta dowladda waxaana la horgeyn doonaa maxkamadda ayagoona la marsiin doono sharciga. Howlgalkan ayaa qeyb ka ah dadaallada ciidamada Booliska ay ku xoojinayaan amniga magaalada Galkacyo iyo la-dagaallanka maandooriyaha iyo falalka bulshada khatarta ku ah.

sakariye canabore 📷

Open In TikTok:

Region: SO

Monday 07 September 2026 11:46:12 GMT