@oziiegram: احفظوا الفيديو واعملوه للاولاد هيعجبهم جدا 😍 انا باكله معاهم طبعا هو حلو اوي للبشره كمان وممكن تعملوه بعصير فواكهه عشان تزودوا الفايده ، وفي طريقه تانيه بعملها ليا عشان بشرتي لو عايزنها اكتبولي اصورهالكم . اي حاجه جاهزه فيها مكونات مش بتعجبني خصوصا الالوان والمواد الحافظه اد ما اقدر بحاول اعملها في البيت اكيد هتكون احسن لصحتهم وطريقه المارشيملو دي نجحت جدا معايا والاولاد حبوها وبيطلبوها المكونات: ٤/١ كوب جيلاتين كوب مياه ٤/٣ كوب عسل او مابل سيرب معلقه صغيره فانيلا ٢ معلقه كبيره بودر فواكهه رمان او فراوله ( اختياري) الطريقه نضيف نصف كوب مياه مع كميه الجيلاتين ونسيبها ١٠ دقايق علي نار هاديه هنحط العسل مع باقي كميه المياه والفانيلا لحد الغليان ونضيف الخليط ده تدريجي علي خليط الجيلاتين مع التقليب بمضرب كهربائي علي اعلي سرعه لحد ما اللون يكون فاتح والقوام fluffy بيحتاج تقريبا ١٠ دقايق في اخر دقيقه نضيف بودره الفواكهه نفضيه في صينيه او قالب عليه ورق زبده مش بيلزق ونرش رشه نشا تحته وفوقه نسيبه في التلاجه ساعتين عالاقل او لتاني يوم لافضل نتيجه