بفتاك مع توم وحامض 🥩🍋🧄 تبولة وحمص 🥗 المكونات: ٨ شرائح بفتاك 4–5 حبات بطاطا 5–6 ثوم مهروس عصير ٥ حبات حامض 2 ملعقة كبيرة زبدة 2 ملعقة كبيرة زيت زيتون ملح فلفل أسود إكليل الجبل (روزماري) حسب الرغبة 👩🏻‍🍳 الطريقة: منرقّ شرائح اللحمة بمطرقة اللحمة لتصير رفيعة وطرية. منرش عليها ملح وفلفل أسود من الجهتين.. بمقلاة كبيرة، منحط الزيت والزبدة ، منحط شرائح البفتاك ونحمرها على نار عالية من الجهتين لحد ما تاخد لون حلو. منزيد ماي سخنة شوي منغطي ومنتركها حوالي ربع ساعة لتستوي اللحمة. اللحمة اللي انا عملتها ما بدها وقت اكتر. منقطّع البطاطا شرائح سميكة شوي، ومنتبّلها بالملح والبابريكا ومنشويها بالقلاية الهوائية. او فينا نقليها بس بدون اضافة البهارات منزيد البطاطا فوق اللحمة.. منخلط الثوم المهروس مع عصير الحامض، ومنضيفه فوق اللحمة والبطاطا. منغطي المقلاة ومنتركها كم دقيقة ليتشرب اللحم نكهة الثوم والحامض وتتماسك الصلصة. فينا نقدمها مع التبولة والحمص #creatorsearchinsights #foodbyhawraa - @foodbyhawraa