@motherhood.beyond: يمكن أكتر حاجة وجعتني في قضية Lindsay Clancy… إننا كلنا شوفنا أم منهارة قبل ما نشوف متهمة. أم لثلاثة أطفال، بتشتغل، بتسهر، وبتحاول تشيل البيت والأولاد وهي نفسها كانت محتاجة حد يشيلها. وده لا يبرر الجريمة، ولا يقلل لحظة واحدة من فداحة ما حدث، ولا يلغي حق الأطفال في العدالة. لكن السؤال المؤلم هو: مين كان شايف إن الأم دي لم تعد قادرة؟ مين كان بيسألها بجد: “إنتِ عاملة إيه؟” ومين كان شايل عنها المسؤولية، مش مجرد “بيساعدها” لما تطلب؟! وياريت كانت فعلا مساعدة تذكر.. وبصراحة… عيب عليكم يا رجالة. الأب مش ضيف في حياة أولاده، ومش دوره يشتغل ويتمرن ويعيش حياته، بينما الأم تدير كل تفاصيل البيت والأطفال والصحة والنوم والرضاعة وحدها. وحتى لو لم يثبت أن الزوج ارتكب الجريمة، فهذا لا يعني أنه غير مذنب ولازم يتحاكم عن إهماله لمسؤليه أولاد ومراته!! وحتى لو ثبتت مسؤولية شخص عن جريمة، فهذا لا يعفينا من النظر إلى كل ما سبقها: المرض النفسي، الوحدة، الحرمان من النوم، العلاج غير الكافي، والأسرة التي لم تتدخل في الوقت المناسب. أنا لا أعلم إن كانت بريئه مما اتهمت بيه ولكن لما الأم تقول: أنا تعبت أنا مش قادره لوحدي أحيانا الجملة دي بتكون استغاثة… وليست شكوى. الدعم بعد الولادة ليس رفاهية. ومشاركة الأب ليست فضلا. والتدخل المبكر في المرض النفسي قد ينقذ أم و أطفال ، وعائلة كاملة. لو أنتِ أم وتشعرين أنكِ تحملين فوق طاقتك، فطلب المساعده
