مونکي اُنهيءَرات ڏاڍي خوشي ٿي هئي، جڏهن تو چيو هو: ”مونکي توکان ڪجهه به نٿو گهرجي، صرف پيار گهرجي ٿو. مونکي پئسي جي ضرورت ناهي، عبدالله، مونکي تنهنجي پيار جي ضرورت آهي، تنهنجي اخلاق جي ضرورت آهي، تنهنجي سچائي جي ضرورت آهي ۽ تنهنجي ساٿ جي ضرورت آهي.“ مون موٽ ۾ توکي وراڻيو هو: ”ها راڻي، اهي شيون تمام گهڻيون ضروري آهن، پر پئسو زندگي گذارڻ لاءِ تمام گهڻو ضروري آهي. پيار هڪ وقتي شيءِ آهي، پر پئسو انسان کي زندگيءَجي آخري گهڙيءَتائين گهرجي ٿو. اڄوڪي دور ۾ پئسي کان سواءِ انسان زندگيءَجو تصور نٿو ڪري سگهي. پئسو ضروري آهي، راڻي، ۽ ان ڳالهه کان ڪڏهن به انڪار نٿو ڪري سگهجي. ها، توکي پئسو نٿو گهرجي، پر هي نام نهاد سماج ته توکان سوال ڪندو نه ته ”مون توکي ڇا ڏنو؟“ تون اُنهيءَسماج کي ڪهڙو جواب ڏيندين ته ”هو هڪ بيروزگار آهي“؟ نه راڻي، مان چاهيان ٿو ته تون منهنجو تعارف انهن کي فخر سان ڪرائين ۽ ٻڌائين ته مان ڪير آهيان. مان اهو نٿو چاهيان ته تون انهن کي متاثر ڪرڻ لاءِ منهنجي ڪوڙي تعريف ڪرين. جيڪو سچ آهي، اهو تون بيجهجھڪ بيان ڪري سگهين ٿي. منهنجو تعارف ٻڌائڻ وقت توکي هرگز شرم محسوس نه ٿئي. بس، مان ايترو ئي ٿو چاهيان. @🥺اسین رھیاسین بس ادورا❤️‍🩹 - @amanchandio63