انکار کوي نۀ سم کوي اقرار ستا باڼۀ پۀ دوه زړۀ کښې وي هر وخت ستا نه ځار، ستا باڼۀ نۀ نېغ دي نۀ کاږۀ دي نۀ ولاړ دي نۀ پراته دي څۀ بل شانتې خوارۀ وارۀ دي یار ستا باڼۀ کونړ دے کۀ پکتیا ده کۀ لغمان دے کۀ کابل دے را یاد کړي ښایسته د کندهار ستا باڼۀ ګودر دے مازیګر دے هم پۀ نښه زما زړۀ دے حېران یم چې نور څۀ ته دي ایسار ستا باڼۀ دا څوکې یې زما پۀ زړۀ کښې ښښې کړه چې سرې شي سینګار دي خو لږ نور غواړي سینګار ستا باڼۀ د څۀ سره تشبیه ورکړمه هیڅ پرې نۀ پوهېږم د څۀ پۀ شانتې تېز کوي ګوزار ستا باڼۀ زما د زړۀ زخمونه د ګلونو نه ښایسته دي زما زړګے ساتي باغ و بهـــار ستا باڼۀ یو پڅ دے بل تېرۀ دی بیا یو پڅ دے بل تیرۀ سم چا دي تیرۀ کړي وار پۀ وار ستا باڼۀ د زړۀ زخم ګنډل کۀ جوړول کۀ لټول وي پۀ هر ځاې کښې د مینې وي پکار ستا باڼۀ یو څو زړونه پیېل دي خو د کومې زاویې نه پۀ چل باندې پوهیږي د دې کار ستا باڼۀ د زړونو د زخمونو بازارونه به تاودۀ شي کۀ بیا چرته راپېښ شو پۀ دې لار ستا باڼۀ خاموشه خاموشي شي ښکلي هم ګوته پۀ خولۀ شي چې ودرېږي ښایسته قطار قطار ستا باڼۀ د حسن د مقدار او د معیار پیمانه نۀ وي والله چې ما به ستړے کړي پۀ شمار ستا باڼۀ زمونږه د دمې ځائې، د دغه ځائې نه بل ځائې نشته چې سیوري پۀ رخسار کوي چینار ستا باڼۀ "شاکره" زۀ چې کله د بل چا سترګو ته ګورم نو سترګو ته مې ودرېږي تیار ستا باڼۀ اقبال شاکر صیب #fyp - @zma_ghazal