🚨 साउदी अरबका चार शहरमा हुथीको भीषण आक्रमण, ७३ जना घाइते यमनका इरान–समर्थित हुथी विद्रोहीहरूले साउदी अरबका दक्षिणी क्षेत्रमा रहेका विभिन्न शहर तथा महत्वपूर्ण संरचनालाई लक्षित गर्दै क्षेप्यास्त्र र ड्रोनबाट आक्रमण गरेको बताइएको छ। साउदी पक्षका अनुसार उक्त आक्रमणमा महिला र बालबालिकासहित कम्तीमा ७३ जना घाइते भएका छन्। 🙏 साउदी नेतृत्वको सैन्य गठबन्धनका प्रवक्ता मेजर जनरल तुर्की अल–मालिकीका अनुसार अबहा, खामिस मुशैत, जाजान र नजरान क्षेत्रमा रहेका घना बस्ती, नागरिक क्षेत्र तथा औद्योगिक संरचनालाई समेत निशाना बनाइएको थियो। आक्रमणका क्रममा दक्षिणी क्षेत्रमा रहेका केही तेल तथा ऊर्जा संरचनामा आगलागी भएको र सुरक्षाका कारण केही स्थानको सञ्चालन अस्थायी रूपमा रोकिएको जनाइएको छ। आगो नियन्त्रणमा लिन तथा प्रभावित क्षेत्रमा उद्धार र सुरक्षा व्यवस्था मिलाउन आपत्कालीन टोली तथा सुरक्षाकर्मीहरू परिचालन गरिएको बताइएको छ। 🚒 साउदी पक्षले उक्त आक्रमणलाई आफ्नो सार्वभौमसत्तामाथिको गम्भीर उल्लङ्घन भन्दै कडा निन्दा गरेको छ। साथै नागरिक, बासिन्दा तथा राष्ट्रिय सम्पत्तिको सुरक्षाका लागि आवश्यक सबै कदम चाल्ने चेतावनीसमेत दिएको छ। यमनमा लामो समयदेखि जारी संघर्ष, साउदी नेतृत्वको सैन्य कारबाही तथा रातो सागर क्षेत्रमा बढिरहेको तनावका बीच भएको यस घटनाले मध्यपूर्वको सुरक्षा अवस्था थप संवेदनशील बनेको देखिएको छ। 🌍 💔 युद्धको सबैभन्दा ठूलो पीडा निर्दोष नागरिकले भोग्नुपर्छ। महिला, बालबालिका र सर्वसाधारणको जीवन सुरक्षित रहोस्। मध्यपूर्वमा शान्ति र स्थिरता कायम होस्। 🕊️🙏 #SaudiArabia #Yemen #Houthi #MiddleEast #BreakingNews - @nabin..mahar