@dddudiii: ⚡️Берік Уәли Семейдегі әскери бөлімнің тыныс-тіршілігімен танысты Абай облысының әкімі Берік Уәли Семейде орналасқан 28738 әскери бөліміне барып, әскери нысанның қызметімен, жеке құрамның тыныс-тіршілігімен және материалдық-техникалық базасымен танысты. Әскери бөлімнің тарихы 1972 жылдан басталады. Алғашында артиллериялық полк ретінде құрылған нысан 1975 жылы жауынгерлік Қызыл ту мен оған берілгені туралы грамотамен марапатталған. 1992 жылы Қазақстан Республикасының Қарулы Күштері құрылғаннан кейін әскери бөлім корпустық артиллериялық полк ретінде қайта құрылып, 1-әскери корпус құрамына берілді. 1999 жылдан бастап артиллериялық бригада ретінде қызмет етсе, 2000 жылдан бастап Қарулы Күштердің Шығыс әскери округіне бағынды. Бүгінде әскери бөлім аумағында 15 түрлі ғимарат орналасқан. Мұнда 1000-ға жуық әскери қызметші Отан алдындағы борышын өтеп жатыр. Жеке құрамның әскери даярлығына, тұрмыстық жағдайына және қажетті материалдық-техникалық құралдармен қамтамасыз етілуіне ерекше көңіл бөлінеді. Аралау барысында облыс әкімі казармалық-тұрмыстық жағдайды, оқу-жаттығу базасын және әскери бөлімнің материалдық-техникалық қамтамасыз етілу деңгейін көрді. #БерікУәли #АбайОблысыныңӘкімі #Семей #ӘскериБөлім #ВоенныйЧасть
