@.88.58: Mararka qaar qofku ma waayo qof uu jeclaa oo keliya, wuxuu waayaa qayb ka mid ah naftiisa oo uu qofkaas kula wadaagay. Waxaan bartay in dadka qaar nolosheena aysan u imaan inay nala joogaan weligood, balse ay u yimaadaan inay wax naga beddelaan, xusuus naga reebaan, kadibna jidkooda sii raacaan. Qaar waxay kaa tagaan adigoo su’aalo badan qaba, qaarna waxay kaa tagaan adigoo fahmay in jacaylku uusan mar walba ahayn in qof la helo, mararka qaarna uu yahay inaad qof jeclaato, kadibna aad barato sida naftaada dib loogu soo celiyo. Haddii aan maanta aamuso, macnaheedu ma aha inaan waxba dareemayn. Waxaa laga yaabaa inaan dareemayo wax badan, balse aan bartay in qalbi kasta uusan u qalmin inuu maqlo wax kasta oo gudaha iga socda. Waxaan doortay inaan naftayda u naxariisto, inaan wixii iga lumay Alle u dhiibo, oo aan rumaysto in waxa iga tagay uusan ka weynayn waxa Rabbi ii qori doono. Maalin ayaan dib u eegi doonaa wax walba oo aan soo maray, waxaanan fahmi doonaa sababta qaar loo waayay, sababta qaar loo ilaaway, iyo sababta qaar qalbigayga loogu reebay xusuus aan weligeed tirtirmayn

Meymo.🩷

Open In TikTok:

Region: SO

Tuesday 08 September 2026 11:51:57 GMT