@millardayo_: Serikali imeufunga Mgodi wa Dhahabu wa Benjamin uliopo Kitaita, Wilaya ya Gairo Mkoani Morogoro, baada ya kuripotiwa vifo vya Watu watano waliofukiwa na kifusi katika mgodi huo. Mwandishi wa AyoTV amefunga safari ya takribani kilomita 200 kutoka Morogoro Mjini hadi eneo la tukio na kuzungumza na Msimamizi wa Mgodi huo, Iddi Chacha ambaye amesema kwa sasa shughuli zote za mgodi zimesimama kwa kutii agizo la Serikali. Chacha amesema Watu waliofariki hawakuwa wamejisajili rasmi katika orodha ya Wafanyakazi wa mgodi huo, akieleza kuwa walikuwa wavamizi wanaofahamika kwa jina la “Wadudu”, ambao waliingia katika duara ambalo uzalishaji wake ulikuwa tayari umesimamishwa tangu majira ya usiku. Kwa upande wake, Mkuu wa Wilaya ya Gairo, Japhari Kubecha, amesema hadi sasa jumla ya Watu watano wameripotiwa kufariki katika tukio hilo, ambapo Watu wanne walifariki eneo la tukio huku mmoja akifariki wakati akikimbizwa Hospitalini. #MillardAyoUPDATES

millardayo

Open In TikTok:

Region: TZ

Tuesday 08 September 2026 18:41:58 GMT