شەهید ئاسۆی دەلاک - كابووسەكەی مولازم موحسین شەهید حەسەب عومەر سابیر ناسراو بە ئاسۆی دەلاک، ساڵی 1957 لە گەڕەکی دەرگەزێنی سلێمانی لەدایک بووە. بنەماڵەکەی لە بنەڕەتدا خەڵکی گوندی (گەبە)ی سنووری شارۆچکەی پیرەمەگروونن، بەڵام باپیری بەگەنجی چووەتە شاری سلێمانی. ئاسۆ کوڕە گەورەی دایک و باوکی بووە، ساڵی 1963 چووەتە قوتابخانەی خالیدیە لە سلێمانی و تا پۆلی پێنجەمی سەرەتایی خوێندووە. دواتر ڕوویكردۆتە پیشەی سەرتاشی و لەوەوە نازناوی دەلاکی وەرگرتووە. ساڵی 1975 لەڕێگەی شەهید جەمالە ڕەشەوە پەیوەندیکردووە بە ڕێکخستنەکانی کۆمەڵەی ڕەنجدەرانی کوردستانەوە. ساڵی 1976 خزمەتی سەربازی ناکات و دەبێت بە پۆلیس، ماوەیەک لە سلێمانی دەبێت و دواتر دەگوێزرێتەوە بۆ سەنگەسەر، لە کۆتایی هەمان ساڵدا لەگەڵ چەند پۆلیسێکی ئەو مەخفەرەدا 11 تفەنگ دەبەن و دەچنە ناو هێزی پێشمەرگەوە و بووبەخشین دەبێتە پێشمەرگە. لەو کاتەوە شەهید ئاسۆی دەلاک جگە لەوەی پێشمەرگەیەتی لە شاخ، وەک پێشمەرگەیەکی ناو شاریش چالاکی ئەنجام دەدات و چەندین جار یاخود بەتەنیا یاخود لەگەڵ چەند هاوڕێیەکیدا چووەتە ناوشاری سلێمانی و چالاکی گرنگی ئەنجامداوە لەڕووی بەسزا گەیاندنی تاوانبارانەوە. ساڵی 1977دا لەکاتی ڕۆشتنەوەی بۆ ئەنجامدانی چالاکییەک لەناو سلێمانی، دەستگیر دەکرێت، بەڵام لەو کاتەدا ڕژ-ێم لێبووردنی گشتی بۆ پێشمەرگە دەرکردبوو، بۆیە ئاسۆ دەڵێت "من بەهۆی لێبووردنەکەوە هاتومەتەوە و دادەنیشم"، ئیتر بەوهۆیەوە دوای 40 ڕۆژ ئازاد دەکرێت، هەر دوای ئەوە پۆلیسێک چە-ک دەکات و تفەنگەکەی دەباتەوە بۆ شاخ. مولازم موحسین، ئەفسەرێکی در-ندە و بک-وژی بەڕەگەز عەرەبی عێراقی بوو، دایکی کوردی خانەقین بوو لە هەڕەتی سلێمانی، دەسەڵاتێکی ڕەهای پێدرابوو. زۆر کەسی بێتاوانی شەهید کرد و تەر-مەكەی بەدوای ئۆتۆمبێلدا ڕادە-کێشا، لەسەردەمی ئەودا کراسی ڕەش و گۆرەوی سپی و تەنوورەی کورتی گەنجان لە سلێمانی قەدەغەکرا بوو، زۆری شەھید كرد و زۆریشی شوێن بێزرکرد. ئیتر در-ندەیی ئەو تا-وانبارە، وای لە ئاسۆی دەلاک کرد بڕیاری تەنگپێکردنی بدات و زۆرجار لە شاخەوە بێتەوە بۆ ناوشار و چەندینجاریش ڕووبەڕووی یەکتری بوونەتەوە، جگە لەوەش چەندجارێک ئاسۆ وەک جەنگێکی دەروونی لە چێشتخانە و چایخانەکاندا وەک تەحەدایەک پارەی خواردنەکەی بۆ مولازم موحسین داوە. سەعات 11ی ڕۆژێکی هەینیی ساڵی 1978، لەگەڕەکی خانەقای سلێمانی، ئاسۆ لەگەڵ دوو هاوڕێیدا ڕووبەڕووی هێزێکی زۆری قوتابخانە دەبێتەوە بەسەرپەرشتی مولازم موحسین، لەش-ەڕێکی دەستەوخۆدا مولازم موحسین بریندار دەکات. ڕۆژی 6/9/1979 کاتێک دەیەوێت لەناو سلێمانی چالاکییەک ئەنجام بدات، بەڵام خیانی لێدەکرێت و بەدیلی دەکەوێتە دەست مولازم موحسین. لە زینداندا مولازم موحسین خۆی ئەش-کەنجەی دەدات و سەرپەرشتی لێکۆڵینەوەکە دەکات، ئەشک-ەنجەیەکی سەخت و در-ندانە دەدرێت، بەڵام ئاسۆ بەرگە دەگرێت و هیچ نادرکێنێت، بۆیە لەکاتی گیرانی ئەویشدا هیچ کەس لە ڕێکخستنەکان ئاشکرا نەبوون و نەگیران. لەو کاتەوە تا ئێستا ئاسۆی دەلاک شوێن بەرزە. شایانی باسە برایەکی شەهید ئاسۆ کە پێشمەرگە بوو بەناوی شاهۆ، لەساڵی 1988 بەدیلی کەوتە دەست دوژمن و ئەویش تا ئێستا بێسەروشوێنە) #مێژووی_کورد #مێژووی_کوردستان #foryourpage #actives? #foryourpage? - @the.kurdish.pulse