ጊዜ እያለፈ፣ ዘመናት እየተፈራረቁ የሕይወታችንን አዲስ ምዕራፍ ለመክፈት እነሆ በሩ ላይ ቆመናል። 2018 ዓ.ም በደስታውና በሐዘኑ፣ በስኬቱና በፈተናው፣ በዕንባውና በሳቁ የታጀበ የሕይወት ትምህርታችንን አጠናቅቀን፣ ወደ አዲሱና ተስፋ ወዳዘለው 2019 ዓ.ም ለመሻገር የመጨረሻዎቹ ቀናቶች ላይ እንገኛለን። ያለፈው ዓመት ቀላል አልነበረም። ሁላችንም የየራሳችንን ውጣ ውረዶች አልፈናል፤ ያልተሳኩ እቅዶችን አዝነንበታል፣ የተሳኩ ጉዞዎቻችንን ደግሞ በደስታ አክብረናል። ነገር ግን ትልቁ ነገር፣ እነሆ ዛሬም በሕይወት ቆመን፣ ንጹህ አየር እየተንፈስን፣ ለሌላ አዲስ ምዕራፍና ለሌላ አዲስ ዕድል በቅተናል። ይሄ በራሱ ትልቅ ታምር፣ ትልቅ በረከት ነው። አዲሱ 2019 ዓ.ም እንደ ንጹህ ነጭ ወረቀት ነው። በላዩ ላይ የምንጽፈውን ታሪክ የምንመርጠው እኛ ነን። ይሄ ዘመን የይቅርታ፣ የእርቅ፣ የፍቅርና የአንድነት ዘመን ይሁንልን። ያለፈውን ቅሬታ፣ ቁስልና የትናንት መራራ ትዝታ ከ2018 ጋር ጥለን፣ በይቅርታ በተዘጋጀና በተስፋ በተሞላ ልብ ወደ አዲሱ ዓመት እንሻገር። የወደቁበትን ያነሱበት፣ የታመሙትን የፈወሱበት፣ የደከሙትን ያበረቱበትና የተጣሉትን ያስታረቁበት የበጎነት ዘመን ያድርግልን። በአዲሱ ዓመት በቤታችን ፍቅርና ሰላም፣ በሥራችን ስኬትና በረከት፣ በምድራችን ደግሞ ዘላቂ ዕረፍት ይስፈን። በየዕለቱ የምንወስዳቸው ትንንሽ እርምጃዎች ወደ ትልቁ ሕልማችን የሚያቀርቡን፣ በሩ ተዘግቶብናል ባልንበት ቦታ ሁሉ አዲስ የበረከት ደጅ የሚከፈትበት ብሩህ ዘመን ይሁን። - @esgco1