@aminamin1815: أرباح القلب في زمن الحسابات" "الناس العزاز هم السند والروح، وجودهم في الحياة يجعل لكل شيء طعماً أجمل." "بعض الناس مو بس أصحاب، هم حياة ثانية، الله يديمكم لي بكل خير." "ممتن للأيام اللي جابتكم بطريقي، أنتم الصدفة اللي ما تمنى قلبي بعدها شي." "غلاكم مو مجرد كلمة، غلاكم شعور يحسه قلبي بكل مرة أشوفكم فيها." الحياة يا صاحبي، ما كل الحسابات بتكون بالورقة والقلم... في حسابات تانية بتتكتب جوة القلب، ما بتمسحها الأيام ولا بتغيرها السنين. كبرنا ونحن بنسمع إنو كل حاجة في الدنيا ليها حساب، لكن ما قالوا لينا إنو أصعب حساب... هو حساب المشاعر. في ناس بندخلهم حياتنا ونفتكرهم رصيد العمر، نحسبهم سند وكتف وقت الضيق، لكن مع الأيام نلقى إنهم كانوا بس رقم عابر في دفتر الذكريات... مرّوا مرور ساكت، وخلّوا وراهم وجع وسؤال: ليه حسبناهم أكبر من حقيقتهم؟ وبرضو في ناس تانيين، يمكن ما كانوا ظاهرين كتير في حياتنا، لكن مواقفهم كانت تقيلة... كلمة منهم بتعدل المزاج، ووقفة صغيرة منهم بتسند روح تعبانة. الناس ديل هم الرصيد الحقيقي، الناس البتزيد قيمة العمر بدون ما يحسوا. والزول مرات يقعد مع نفسه في هدوء الليل، يفتح دفتر الحساب القديم، ويبدأ يحسب: حسبنا كم مرة سامحنا؟ وكم مرة اتجرحنا وسكتنا؟ وكم مرة أدينا من قلبنا... وما لقينا حتى كلمة تقدير؟ لكن برغم دا كلو، الحياة بتعلمنا درس مهم: إنو الزول الأصيل ما بيحسب عطاءه، وما بيقيف في نص الطريق يقول كفاية. لأنو البدي من قلبو... ربنا ذاتو بيكتب حسابه في مكان أجمل من دفاتر الدنيا. وأجمل لحظة في الحساب كله، لما تقفل يومك وراسك على المخدة، وتلقى ضميرك مرتاح... لا ظلمت زول، ولا كسرت خاطر زول، ولا خنت ثقة زول آمن ليك. وقتها بتحس إنو رغم تعب الحياة، ورغم خيباتها الكتيرة... لسه في ربح كبير اسمو راحة القلب. والراحة دي يا صاح، ما بتشترى... ولا بتتحسب بالأرقام. دي حسابها الوحيد... نية صافية وقلب ما بعرف الأذى.
