@jwtz80: Kamati ya Maandalizi ya Mashindano ya Baraza la Michezo ya Majeshi Tanzania (BAMMATA) Kanda ya Ngome imeridhishwa na miondombinu ya viwanja itakayotumika kwenye mashindano hayo jijini Mwanza. Ikiongozwa na Kaimu Mwenyekiti wa Kamati hiyo Kanali David Luoga imetembelea viwanja vya shabaha, mpira wa miguu, pete, kikapu, wavu, mikono pamoja na mchezo wa vishale. Kanali Luoga amesema ubora huo utawafanya wachezaji kuonesha uwezo wao kwa viwango vya kuridhisha na ushindani wa hali ya juu. Mashindano ya BAMMATA yanatarajiwa kutimua vumbi kuanzia tarehe 21 Septemba 2026 hadi 05 Oktoba 2026 jijini Mwanza yatawashirikisha wanamichezo kutoka Kanda ya Ngome, JKT, Polisi, Magereza, Uhamiaji, Zimamoto na Uokoaji pamoja na SMZ.