مشر محمود خان اڅکزي تل دا خبره کړې چې افغانستان باید د افغانانو لپاره د سولې، ثبات او پرمختګ په یوه داسې هېواد بدل شي چې افغانان د کار او ښه ژوند لپاره له خپل وطنه بهر تګ ته اړ نه شي. که افغانستان په خپلو طبیعي سرچینو، صنعت او اقتصاد کې پرمختګ وکړي، نو راتلونکی نسل به وکولای شي په خپل وطن کې کار او ژوند وکړي. حتی کېدای شي یوه ورځ د سیمې خلک افغانستان ته د کار او اقتصادي فرصتونو لپاره راشي. زموږ هیله دا ده چې **پښتانه او ټول افغانان په خپل وطن کې د عزت، امن او سوکالۍ ژوند ولري. 🇦🇫🇸🇦🤝🇦🇫 سعودي عربستان او افغانستان؛ د انرژۍ په برخه کې نوی پړاو د سعودي عربستان د «ډیلټا انټرنیشنل» او د افغانستان د کانونو او پټرولیم وزارت ترمنځ د هرات د کشک–تیرپل سیمې د تېلو او طبیعي ګازو د اکتشاف او استخراج تړون لاسلیک شوی. د دې پروژې لومړنۍ پانګونه شاوخوا ۲۰۰ میلیونه ډالر ده، او د اوږدمهاله انرژۍ پروګرام لپاره د لسګونو میلیاردونو ډالرو د احتمالي پانګونې یادونه هم شوې ده. دا پروژه یوازې د ګازو تر استخراج محدوده نه ده؛ بلکې د هرات د صنعت، برېښنا تولید او راتلونکو انرژۍ پروژو لپاره د ګازو د استعمال امکانات هم پکې شامل دي. که دا پروژې عملي شي، افغانستان کولی شي خپلې طبیعي زیرمې د اقتصادي ودې، صنعت، انرژۍ او د خلکو د کارموندنې لپاره په اغېزمنه توګه وکاروي. د افغانستان طبیعي شتمنۍ دې د افغان ولس د پرمختګ او سوکالۍ لپاره وکارول شي. 🇦🇫