#آسفين يا أستاذ نادر حقك علينا بعد 30 سنة عطاء حسب ما تكشفه التفاصيل اتكلمنا كتير عن المديرة صالحة وانشغلنا بيها وناسيين صاحب الحكاية الأصلية، سامحنا يا أستاذنا الفاضل، لما قيمة المعلم تتهز يبقى لازم نقف كلنا. الراجل اللي قدامكم ده الأستاذ نادر أبو النجا من قرية كفر شكر في القليوبية، مدير مدرسة برقطا الإعدادية اللي كان لها نصيب الأسد السنادي ب 3 طلاب من أوائل الجمهورية. النهاردة كمل 59 سنة وفاضل له سنة واحدة ويطلع معاش، بعد ما أفنى عمره في تربية أجيال من عمري أنا شخصيا، والكل يشهد انه قمة في التواضع والأدب والطيبة، وأب للمعلمين قبل ما يكون أب للطلاب. من يوم ما مسك إدارة المدرسة والخدمات والتعليم والنظام اتطوروا بشكل ملحوظ، عارف ليه؟ ❤️ عشان كان قبل كل عام دراسي يبص لمنظر المدرسة اللي يسد النفس، فيطلع من جيبه ويصرف زي الأستاذة صالحة بالظبط، ويشتغل عامل بإيديه يدهن ويصلح الأثاث ويزرع وينضف بكل الأدوات المتاحة، عشان المدرسة ملقتش الدعم الكامل. وكان بيخلع الزي الرسمي ويلبس الجلابية عشان العيال تلاقي فصلها يفتح النفس، ولما الطلبة كانوا يعرفوا انه بيشتغل ويجوا يساعدوه كان يقولهم انتو جايين تتعلموا ولا تشتغلوا. لحد امبارح وهو في الإجازة لابس الجلابية وبيقص الزرع اللي عشش حوالين السور، اتفاجئ بزيارة وجولة تفقدية ومعاه موكب مسؤولين وحراس وعشرات الكاميرات. اتقدم عشان يسلم وقال في نفسه أخيرا صوتي هيوصل ومشاكلنا هتتحل، لكن اللي حصل انه اتقال له على الهواء قدام أسرته وزمايله وطلابه هو ده الزي الرسمي الراجل ده غير مسؤول ومهمل ولازم يمشي، نادر اتصدم وقاله أنا كنت شغال بنفسي بنضف وبقلع هدومي عشان متتسخش. كان المفروض يتسأل فين الدعم وفين الخدمات للراجل ده، لكن تم توجيه اللوم كله له وتقال انه مهمل ولازم يمشي أكتر من مرة، وهو حاول يدافع ويقول ان مفيش ميزانية كافية، فاتقال هاتوا مترجم أنا مش فاهمه. فرد وقال أعذرني صوتي تعبان شوية، وبعدها الجولة كملت لمدرسة الشهيد أحمد سمير اللي مديرتها الأستاذة صالحة. إن الله لا يضيع أجر من أحسن عملا، ومن رحم المحن تولد المنح، ومربي فاضل أفنى عمره عشان ولادنا يستاهل كل تقدير وتعويض معنوي ونفسي، وقم للمعلم وفه التبجيلا كاد المعلم أن يكون رسولا 🙏 #نادر_أبو_النجا #مدرسة_برقطا #كرامة_المعلم #foryou - @eldawly888