@duqa860: Cabdulqaadir Maxamed Aadan (Zoobe) wuxuu 1919 ku dhashay degmada Buulo Burde ee gobolka Hiiraan. Wuxuu ahaa siyaasi iyo ganacsade caan ah oo geyiga Soomaalida oo idil laga wada yiqiin, waa ninka loogu magac daray iskgoyska Zoobe ee magaalada Muqdisho. 1947 ayuu ku biiray ururkii gobonimodoonka Soomaaliyeed ee SYL, 3 sano ka dib ayuuse ka baxay oo ku biiray urur la oran jiray Hizbiya Digil-Mirifle. 1956 wuxuu noqday xubin ka mid ah baarlamaankii dowladdii daakhiliga, isagoo 1959 noqday guddoomiye ku xigeenkii baarlamaankaas. 1959 wax yar ka hor madaxbannaanidii dalka wuxuu dib ugu biiray SYL, 1960 ilaa 1964 wuxuu soo noqday wasiirka maaliyadda Soomaaliya. 1964 ilaa 1967, xukuumaddii Cabdirisaaq Xaaji Xuseen wuxuu Zoobe soo noqday wasiirka arrimaha Gudaha Soomaaliya. Afgambigii ciidanka 1969, Zoobe wuxuu ka fariistay siyaasadda, wax xil ah kama qaban dowladdii Kacaanka, wuxuuna dib ugu noqday ganacsigiisii. 1980-meeyadii wuxuu ka mid ahaa odayaashii iyo waxgaradkii kale ee ka horyimid Maxamed Siyaad Barre ee soo saaray baaqii Maanifestada, isagoo 1989 xubin ka noqday SDM oo ay ku midoobeen siyaasiyiinta Digil iyo Mirifle. 1991 ilaa 1993 wuxuu ahaa guddoomiyaha madasha badbaadada Qaranka ee Soodare. Isagoo sidoo kale noqday madaxweyne ku xigeenkii Soomaaliya ee dowladdii ku meelgaarka ahayd ee Cali Mahdi. Allah ha u naxariistee, Cabdulqaadir Maxamed Aadan (Zoobe) wuxuu 2002 ku geeriyooday magaalada Rome ee dalka Talyaaniga.

Duqa Caasimada - DC - 77

Open In TikTok:

Region: SO

Wednesday 09 September 2026 10:12:58 GMT