@shaheniz1: #كبرت وفهمت إنو أمي ما كانت بس أمي… كانت الأمان البفتش عليهو في كل الناس. ❤️ الزمن علّمني إنو ممكن الدنيا كلها تتغير، والناس تتبدل، والوجوه البتحبها تبعد… لكن حضن أمي بظل المكان البترجع ليهو روحي من غير ما أشرح، ومن غير ما أبرر. زمان كنت بفتكر إنو الأمان في وجود ناس كتار حولينا، هسي عرفت إنو ممكن يكون في زول واحد بس، وجودو بخلي الدنيا كلها تهون… وأمي هي الزول دا. أمي هي البتفرح لفرحتي من قلبها، وبتحزن لوجعي كأنو وجعها، وبتدعيني حتى في اللحظات البكون أنا فيها ناسية أدعي لنفسي. هي البتسامحني قبل ما أعتذر، وبتفهمني حتى وأنا ساكتة. ومهما كبرت، ومهما اتعلمت من الدنيا، بظل محتاجة صوت أمي، دعواتها، ونظرتها البتقول لي من غير كلام: «أنا هنا». عرفت إنو في حاجات كتيرة ممكن أعيش من غيرها… لكن ما في حاجة بتعوض مكان الأم. أمي ما نعمة عادية… أمي نعمة بخاف عليها من الزمن، وبحمد ربنا عليها في كل يوم. 🤍 ولو ربنا سألني عن أجمل حاجة اداني ليها في الدنيا، ح أقول ليهو من غير تفكير: أمي. اللهم احفظ أمي ، وأطل في عمرها، وألبسها ثوب الصحة والعافية، وما توريني فيها وجع ولا فقد، وارزقني برّها ورضاها، وخلي وجودها في حياتي عمر كامل من الأمان. 🤲🏽❤️

√Sho Sho√

Open In TikTok:

Region: SD

Wednesday 09 September 2026 11:04:07 GMT