@hamid.hayri: قبل ما أوصل الثلاثين، حبيت أعترف بشي. فشلت في كل تعريف للنجاح رسمته لنفسي قبل العشرين. الطالب المثالي، الموظف المثالي، الشغف، الفلوس، الحرية… كل وحدة منهم لها قصة، وكلها ما وصلت للشكل اللي تخيلته. بس السؤال اللي وقفني مو "ليش ما وصلت؟" السؤال كان: من أي زاوية أنا أشوف النجاح أصلًا؟ اكتشفت إني رسمت النجاح لنفسي بس، ومن ناحية مادية بحتة و بطريقة أنانية شوي، بدون ما أحسب حساب الأدوار اللي أنا ملزوم فيها: عبد لله قبل كل شي. ابن بار. أخ سند. زوج راعي. وفي يوم من الأيام أب بإذن الله. وقدوة لناس أصغر مني ينظرون لي وأنا ما أنتبه. وفيه أمانة أكبر من كل هذا: الصحة. ما ينفع الواحد يستهين فيها في العشرينات، لأن هذا هو العمر اللي المفروض تبني فيه جسمك ونفسيتك، وقت ما يكون الدم حار. وأهم من هذا كله: إنك تخاف ربك في كل تعامل ,ما تستهتر إن ربك شايفك طول الوقت، وما تمشي وراء خطوات الشيطان. هذا أول جزء من ٣. في الجزء الثاني بقولكم كيف طحت في فخ كان الشيطان مسويه لي، وأنا ما عرفت عنه شي. تابعني عشان توصلك بقية القصة. #حامد_خيري #عمارة #تطوير_الذات #قصة_شخصية #الفشل_الحقيقي
