@worldandpoetry88: ❝ ငယ်ကအလင်းရောင် ❞ သီချင်းအဆိုသန်တဲ့အရွယ် အံဆွဲထဲက အတင်းခုန်ထွက်လာတယ်။ ကောင်းကင်တွေ ပို များလာ၊ ကွက်လပ်တွေ ပို များလာ ဖြည့်ရမှာတွေ ပို များလာ ဘဝတွေ ပို များလာ ကဗျာတွေ ပို များလာ ဇာတ်တွေ ပို များလာ ပို များလာတဲ့ လောကကြီးအလယ် လူငယ်တယောက် ပို ကြီးပြင်းလာပါတယ်။ လမ်းမများ၊ သစ်ပင်များ ပန်းပွင့်များ လန်းဆန်းကာ ကမ္ဘာကြီးမှာ လူဟာ လူမျှသာ ဖြစ်ပါတယ်။ မဖြစ်နိုင်တာတွေ အများကြီးနဲ့ မဖြစ်သေးတာတွေ အများကြီးနဲ့ နေ့ရက်တွေ အများကြီးနဲ့ လုပ်ချင်တာတွေ အများကြီးနဲ့ တကယ်မှာ မတတ်နိုင်တာတွေ အများကြီးနဲ့။ ဒါကြောင့်ပင် ကျွန်တော်တို့ ဆက်လက်ရှင်သန်နေတာ။ အလွန် စကားနည်းပြီး ဘဝကို ယုတ္တိရှိရှိ နေထိုင်သွားသူ (ကွယ်လွန်ခဲ့တာ ကြာပါပြီ ) ကျွန်တော်တို့က ‘အစ်ကိုမောင်လေး’ လို့ခေါ်တဲ့ အစ်ကိုက စာအုပ်တွေ လိုချင်သလောက် လိုက်ဝယ်ပေးပါတယ်။ ဗန်းမော်တင်အောင်ရဲ့ ‘မုန်းတိုင်းထဲကလူ’ မော် ‘ ယင်အန်မိန့်ခွန့်’ ဖူးချစ် ‘မှတ်တမ်းများ’ နတ်နွယ် ‘အပြာ’ ‘မြန်မာပြည်မြောက်ပိုင်း’ ပထမတွဲ စာအုပ်တွေ (ဖတ်လိုက်တာများ မြင်းကလေးတစ်ကောင် နွေဦးမြက်နုလေးတွေ တအားလွှေးနေတဲ့အတိုင်းပါဘဲ) အဲဒီအတိုင်းပါဘဲ။ ‘စာပေသဘောတရား စာပေဝေဖန်ရေး စာပေလှုပ်ရှားမှု’ ဆရာ ဒဂုန်တာရာစာအုပ် ဂူအတွင်း မီးတိုင်လို လင်းခဲ့တယ်။ ငယ်ကအလင်းရောင် စိန်နားကပ်ကဲ့သို့ ပြိုးပြက်လျက်။ ▪️အောင်ချိမ့် #Poetry #poem

7790

567

2026-09-10 05:59:45

To see more videos from user @worldandpoetry88, please go to the Tikwm homepage.