@hajiliaqatmehsoodfans421: پریس ریلیز 9 ستمبر 2026ء نجیب اللہ کے قتل کی شدید مذمت، قاتلوں کو فوری گرفتار کیا جائے: حاجی لیاقت محسود ڈمپر ایسوسی ایشن کے صدر حاجی لیاقت محسود نے نجیب اللہ ولد عبدالوہاب کے قتل کی شدید الفاظ میں مذمت کرتے ہوئے انتظامیہ اور قانون نافذ کرنے والے اداروں سے قاتلوں کی فوری گرفتاری کا مطالبہ کیا ہے۔ حاجی لیاقت محسود نے کہا کہ گزشتہ رات ضلع ملیر کے علاقے شاہ ٹاؤن میں نجیب اللہ کو مبینہ طور پر گھر میں گھس کر قتل کیا گیا، جو انتہائی افسوسناک اور قابلِ مذمت واقعہ ہے۔ انہوں نے انتظامیہ سے مطالبہ کرتے ہوئے کہا ہمیں نجیب اللہ کے قاتل چاہئیں ، انتظامیہ اور قانون نافذ کرنے والے اداروں کی ذمہ داری ہے کہ قاتلوں کو فوری گرفتار کرکے قانون کے کٹہرے میں لایا جائے۔ انہوں نے کہا کہ نجیب اللہ کا تعلق ٹرانسپورٹ کے شعبے سے تھا اور اس واقعے پر ٹرانسپورٹ برادری میں شدید تشویش پائی جاتی ہے۔ حاجی لیاقت محسود نے خبردار کیا کہ اگر نجیب اللہ کے قاتلوں کو فوری طور پر گرفتار نہ کیا گیا تو آل ڈمپر ٹرک ٹرانسپورٹ اونرز ایسوسی ایشن (پاکستان) نیشنل ہائی وے پر احتجاج کرے گی۔ جاری کردہ: ترجمان آل ڈمپر ٹرک ٹرانسپورٹ اونرز ایسوسی ایشن (پاکستان)#hajiliaqatmehsood