Ray ရုပ်ရှင်ကား စင်ကာပူတွင် (၃) ရက်တိုင်တိုင် ပြမည် ကမ္ဘာအနှံ့တွင် ပြသနေတဲ့ Ray ရုပ်ရှင်ကား စင်ကာပူတွင် (၃) ရက်တိုင်တိုင် ရုံတင်ပြသတော့မယ်လို့ သိရှိရပါတယ်။ လာမည့် စက်တင်ဘာလ ၁၈ ၊ ၁၉ နဲ့ ၂၀ ရက်တွေမှာ စင်ကာပူနိုင်ငံ ကာနီဗယ် ရုပ်ရှင်ရုံတွင် ပြသမှာပါ။ “အရင်က ကြိုတင်ကြေညာထားခဲ့တဲ့အတိုင်း စင်ကာပူရောက် ရုပ်ရှင် ချစ်သူတွေနဲ့ တော်လှန်ရေး မိသားစုတွေအတွက် ရင်ခုန်စရာ သတင်းကောင်းလေး ရောက်လာပါပြီ။” လို့ Ray ရုပ်ရှင် စာမျက်နှာတွင် ရေးသားထားပါတယ်။ ဒီဇာတ်ကားဟာ စာရေးဆရာ ခက်ဇော်ရဲ့ ဖြစ်ရပ်မှန် ဇာတ်လမ်းကြောရိုးကို အခြေခံပြီး ဒါရိုက်တာ သည်ခေတ်နေက ရိုက်ကူးထားတာပါ။ ရုပ်ရှင်သရုပ်ဆောင် ထားထက်ထက်၊ မင်းမော်ကွန်း၊ ဒေါင်းနဲ့ တော်လှန်ညီအစ်ကို မောင်နှမများစွာ ပါဝင်အားဖြည့်ထားပြီး ခေတ်ဆိုးကြီးကို ရင်ကော့ကျော်ဖြတ်နေကြတဲ့ လူငယ်တွေရဲ့ ပေးဆပ်မှုနဲ့ ရဲရင့်မှုတွေကို ပီပြင်စွာ ပုံဖော်ထားတဲ့ သမိုင်းမှတ်တမ်း ရုပ်ရှင်ကားကြီးလည်း ဖြစ်ပါတယ်။ ပွဲကြည့်လက်မှတ်တွေကို ကာနီဗယ်ရုပ်ရှင်ရုံ Website တွင် ဝင်ရောက်ကာ ဝယ်ယူနိုင်ဖြစ်ကြောင်း သိရှိရပါတယ်။ ထို့အပြင် ရုံတွင် လူကိုယ်တိုင် ဝယ်ယူနိုင်ကြောင်းလည်း သိရှိရပါတယ်။ လက်မှတ်စျေးကတော့ Online ကနေ ဝယ်ယူရင် စင်ကာပူဒေါ်လာ ၂၇ ဒေါ်လာဖြစ်ပြီး ရုံမှာဝယ်ယူရင် ၂၆ ဒေါ်လာ ဖြစ်ကြောင်း သိရှိရပါတယ်။ ရုပ်ရှင်ရုံလိပ်စာ နဲ့ ပွဲစဉ်အသေးစိတ်ကတော့ အောက်ပါအတိုင်း ဖြစ်ပါတယ်။ 📍 ပြသမည့်နေရာ (Venue) : Carnival Theatre (Beach Road, Singapore) 📅 ပြသမည့် ရက်နှင့် အချိန်များ (Show Times) : Sept 18 (Friday) - 8:00 PM Sept 19 (Saturday) - 8:00 PM Sept 20 (Sunday) - 10:30 AM "Light always finds the way" #RayTheMovie #ray2026 #SingaporeScreening #MyanmarRevolution #BasedOnATrueStory - @ye.baw.nay.lin2