@lezzetli_resept: MEDOWIK — BALLY TORT Kim agyzda ereýän, ýumşak we aşa süýji bolmadyk Medowigi gowy görýän bolsa, bu resept hökman göwnüňizden turar! 🥣 Gerekli önümler: 82% ýagly mesge — 100 g Şeker — 150 g Bal — 3 nahar çemçesi Soda — 1 ölçeg çaý çemçesi Ýumurtga — 2 sany (С0 kategoriýa) Un — takmynan 350–400 g ⚠️ Ýöne unuň hemmesini hamyra goşmaýarys. Hamyra 1 bulgur (250 g) un goşulýar, galany bolsa iş ýüzüne az-azdan sepip, hamyry ýazmak üçin ulanylýar. Jemi — 6 korž 👩‍🍳 Hamyryň taýýarlanylyşy: 1. Mesgäni, baly we şekeri gabyň içine salyp, şeker doly eräp, däneleri galýança garmaly we gaýnatmaly. Soňra sodany goşup, güýçli garmaly. Massa ýanmaz ýaly yzygiderli garmaly. Reňki üýtgäp başlanda, otdan aýryp, ýylylyga çydamly gaba geçirmeli. 2. Soňra 2 sany ýumurtgany goşup, aky ýumurtga bişip galmaz ýaly çalt garmaly. Massany öňünden sowatmak gerek däl. Diňe 3–4 minut garaşmak ýeterlik. 3. Soňra uny goşup garmaly. Hamyry iş ýüzünde el bilen ýugurmaly. Uny zerurlygyna görä az-azdan goşuň. 4. Hamyry 6 deň bölege bölüp, şar şekline getirmeli. Biraz dynç aldyrmaly — şonda hamyry ýazmak has aňsat bolýar. Soňra her bölegi ýazmaly. 🔥 Bişirilişi: Her bir koržy öňünden 170°C gyzdyrylan duhowkada, ýokarky we aşaky gyzdyrma režiminde 4–5 minut bişirmeli. 💡 Koržlary bişirmek üçin ýörite bişirme düşeginde ýazýaryn. Oňa hamyr ýapyşmaýar we baly koržlary üçin örän amatly! 🥛 Krem üçin: sliwocnyý syr — 250 g 33% ýagly gaýmak — 300 g Şeker pudrasy — 70 g Wanilin — pyçagyň ujunda 🍰 Kremiň taýýarlanylyşy: 1. Ähli önümler hökmany suratda sowuk bolmaly — göni sowadyjydan alnan bolmagy has gowy. 2. Ähli önümleri bir gaba salyp garmaly. Ilki orta tizlikde, soňra ýokary tizlikde takmynan 2–3 minut çalmaly. 3. Krem taýýar! 😍 Netijede örän tagamly, näzik, kremli we agyzda ereýän krem alynýar. 🤍 Bu Medowik çaýyň ýanynda ajaýyp desert bolar! 🍯🎂

SadatIslanowa

Open In TikTok:

Region: TM

Wednesday 09 September 2026 14:56:19 GMT