صفيحة باللحمة بعجينة الحبة الكاملة 😍 عجينة طرية، وحشوة بدبس الرمان والصنوبر… بتشرّف عالسفرة وبكل عزيمة! بعد اليوم ما عاد حدا عنده حجة ما يعمل الصفيحة بالبيت، هي الطريقة من الألف للياء 👌 🥣 مكونات العجينة: • 500 غرام طحين حبة كاملة. • 380 مل ماء، منضيفهم بالتدريج. • 6 غرام خميرة. • ملعقة صغيرة عسل. • ملعقة صغيرة ملح. • 3 ملاعق كبار زيت زيتون. 🥩 مكونات الحشوة: • 500 غرام لحمة غنم مفرومة، ثلثين لحمة وثلث دهن. • 75 غرام بصل، مفروم ومصفّى كتير منيح. • 400 غرام بندورة، مفرومة بمحضّرة الطعام. • 5 ملاعق كبار دبس رمان. • ملعقة صغيرة ملح. • ملعقة صغيرة بهار مشكّل. • نصف ملعقة صغيرة كزبرة ناعمة. • نصف ملعقة صغيرة فلفل أسود. • صنوبر حسب الرغبة. وللدهن: شوية زيت ورشة ماء خفيفة قبل التخمير، وشوية حليب مخلوط مع سكر للوجه قبل الخَبز. 👨🏻‍🍳 الطريقة: منخلط جزء من الماء مع الخميرة والعسل ومنتركهم يرتاحوا شوي. منضيف الطحين بالتدريج مع باقي الماء، وبعد ما تتجانس المكونات منضيف الملح وزيت الزيتون ومنكمل عجن لحتى تصير العجينة طرية وبتلزق لزقة خفيفة. منقسّمها كرات، وزن كل وحدة 30 غرام، ومندهنها بشوية زيت ومنرش عليها رشة ماء خفيفة، ومنغطّيها ومنتركها تختمر. بهالوقت منخلط اللحمة مع البصل والبندورة ودبس الرمان والبهارات والصنوبر. منصفّي السائل الزايد مع ترك شوية من التتبيلة بالحشوة. منفرد الكرات بإيدنا، ومنحط الحشوة ومنسكّر الأطراف متل الفيديو. مندهن أطراف العجينة بالحليب والسكر، ومندخلها على فرن محمّى قبل بنصف ساعة على أعلى درجة. 🔥 عندي أخدت حوالي 10 دقايق، والوقت بيختلف حسب الفرن وسماكة الحشوة؛ تأكّدوا إن اللحمة استوت والعجينة تحمّرت. احفظوا الوصفة لتلاقوها وقت التجربة، وقولولي: كم قطعة من هالصفيحة بتقدروا تاكلوا؟ 😂❤️ #صفيحة #طحين_الحبة_الكاملة #وصفات #أكل_بيتي #وصفات_صحية - @odainouran.food