Muuqaalka Jaddo Jabaara Yusuf, oo ahaa nin dhalinyaro ah oo u dhashay dalka Suudaan, ayaa tan iyo shalay si weyn u qabsaday baraha bulshada. Jaddo ayaa muuqaalka duubay daqiiqadihii ugu dambeeyay ee noloshiisa, xilli uu ku sugnaa saxaraha Liibiya, isaga oo tahriib ku jiray, isla markaana harraad daran la ildarnaa. Waxa uu dareemayay in xaaladda uu ku jiray ay naftiisa khatar gelin karto. Jaddo ayaa kamaradda taleefankiisa furay, isaga oo saaxiibkiis u diraya farriin sagootin ah oo uu ku leeyahay: “Nabadgelyo. Tani ma aha nabadgelyadii caadiga ahayd ee aan hore kuugu odhan jiray. Xaalka duniduna waa iska sidaas; adigu waxaad tahay tusaale wanaagsan. Tani waa adduunyo, tanina waa geeri. Salaan ayaan u dirayaa qoyskayaga iyo qof kasta.” Muuqaalkiisa oo uu ku muujinayay deganaan iyo samir, inkastoo uu ku jiray xaalad aad u adag, ayaa si qoto dheer u taabtay dad badan, kuwaas oo ku tilmaamay qof lahaa iimaan adag iyo adkaysi nafsiyeed. Ugu Dambeyntii Sheekada Jaddo Jabaara Yusuf waxay xambaarsan tahay murugo iyo cashar culus. Qof dhalinyaro ah oo dalkiisa ka baxay, isaga oo raadinaya nolol ka wanaagsan mida ow kujiro, ayaa ku dambayn kara saxare iyo xaalad uu xitaa sagootintiisa ugu dambeysa ay noqoto midan. Muuqaalkiisa wuxuu ina xusuusinayaa in tahriibku uusan ahayn oo keliya safar dheer oo dhib badan, balse uu yahay waddo ay ka jiraan khataro dhab ah oo nolosha lagu waayi karo. Jaddo wuxuu dunida uga tagay farriin kooban, balse xambaarsan macne weyn: “Tani waa adduunyo, tanina waa geeri.” Sheekadiisu ha noqoto digniin iyo xusuus ku socota qof kasta oo ku fikiraya inuu maro waddo aan la garanayn halka ay ku dambayn doonto. dhalinyara badan oo soomaaliyeed ayaa tahriib naftooda ku waayay, iyagoo rajo ka qabay nolol ka wanaagsan mida ay kujiran. Tahriibku ma dilo qofka oo keliya. Mararka qaar wuxuu dhaawacaa qoys dhan. Hooyooyin aan awoodin kharashka ayaa dad aanay aqoon ama ayna malin wax weydiin u hoos fadhista carruurtoda dartod, aabbayaal awooddoodu yartahayna waxay qaataan deymo culus, dhammaantoodna iyagoo rajaynaya inay ubadkooda badbaadiyaan. Dhalinyarada Soomaaliyeedow, noloshiina ha ku khamaarina waddo aanad hubin halka ay ku dambaynayso fadlan ha marin. Geeridu mararka qaar waxay kugu sugaysaa meel aanad filayn, Geerina Huri meyno Lakin Wado Xun Yeynan ku bixin Tahriibku rajo maaha. haddii qiimihiisu yahay naftaada iyo ilmada waalidkaga guuleysta. #Somalia #tiktok #viral - @nasser_ahmett