@absreporters: DA ƊUMI-ƊUMI | SHEHU BUBA YA MIƘA KANSA GA AMNESTY INTERNATIONAL DOMIN BINCIKE Sanata mai wakiltar Bauchi ta Kudu, Shehu Buba, ya bayyana cewa ya miƙa kansa ga ƙungiyar kare haƙƙin ɗan Adam ta Amnesty International domin ta gudanar da bincike mai zaman kansa kan zarge-zargen da ake masa na hannu a tallafa wa ta'addanci. Wannan na zuwa ne bayan zarge-zargen da Hassan Husseini da Gwamnatin Jihar Bauchi suka yi masa. Rahotanni sun ce matakin ya biyo bayan kiraye-kirayen da ake yi na a gudanar da bincike mai zaman kansa domin gano gaskiyar lamarin. A baya, Shehu Buba ya musanta zarge-zargen, yana mai cewa an ƙirƙiri su ne domin bata masa suna. ABS Reporters na ci gaba da bibiyar lamarin, kuma za mu kawo muku ƙarin bayani da zarar ya fito.