@keshub3vin: නුඹට නුඹවත් අහිමි වූ දිනෙක, නුඹේම සෙවණැල්ලක් සේ නුඹ පසුපසින් පැමිණි මාව, නුඹට පිළිකුලක් වේ යැයි මම කිසිදා නොසිතුවෙමි... නුඹේ ලෝකයම නුඹට එපා වූ රාත්‍රීන්වල, වචනයක්වත් නොකියා නුඹ ළඟින් හිඳ, නුඹේ නිහඬකම් පවා අසා සිටියේ මමය. නුඹේ දෑස්වල කඳුළක් ඉපදුණු විට, එය නුඹගේ කොපුල් සිපින්නට පෙරම පිස දමන්නට මගේ හදවත දෑත් දිගු කළේය. නුඹට නුඹ ගැනම විශ්වාසයක් නොතිබූ දිනවල, නුඹව නුඹටත් වඩා විශ්වාස කළේ මමය. ලෝකය නුඹෙන් ඈත් වූ විට, ලෝකයක්ම අහිමි කරගෙන වුවද නුඹ ළඟ රැඳෙන්නට සිතුවේ මමය. එහෙත් කාලය කෙතරම් අමුතුද… කලෙක නුඹේ සැනසුම වූ මිනිසාම, පසුව නුඹේ මතකයට පවා බරක් වී යයි. කලෙක නුඹේ දුක අසා නිහඬව සිටි මම, අද නුඹේ නිහඬකමේම හේතුවක් වී ඇත. මට දුක නුඹ මා හැර යාමම නොවේ… දුක නම්, නුඹව නුඹටත් එපා වූ දිනවල නුඹව අතහැර නොගිය මාව, නුඹට නුඹේ සතුට ලැබුණු විට එපා වූ හැටි ගැනයි... ආදරය කියන්නේ සමහරවිට කෙනෙකු ළඟ සදා රැඳීම නොව, අපව අවශ්‍ය නැති දවසක පවා හුස්මක් තරම්වත් ඈත් නොවී හදවතින්ම ඔවුන් වෙනුවෙන් සිටීමය. ඒ නිසාම, නුඹ මාව අමතක කළත් කම් නැත… මාව පිළිකුල් කළත් කම් නැත… එහෙත් එක් දිනක, නුඹේ ජීවිතයේ සියලු දොරටු වැසී, නුඹට නුඹවම සොයාගත නොහැකි වූ මොහොතක, නුඹ ළඟ නිහඬව හිඳින්නට කෙනෙකු සිටියේයැයි පමණක් මතක තබාගන්න. ඒ මමය... නුඹට නුඹවත් එපා වූ දවසක, නුඹවම ඕනෑ කළ මම… අවසානයේදී නුඹට පිළිකුලක් වූ මම... -Keshan Bevin- (මේ ටිකේ contents නැතුව තිබුනේ exams වලට හිරවෙලා හිටපු නිසා guys. Text කරලා මාව හොයපු හැමෝටම thanks. ඔයාලා හැමෝටම මම හ‍රි ආදරෙයි ❤️✨) PS:ඉස්සරහට special canvas art එකක් එන්න තියෙනවා. බලාපොරොත්තුවෙන් ඉන්න 😉✨ #creatorsearchinsights #artdraws #art #fypシ #explorepage