ကုသရန် ခက်သောရောဂါဆိုး အနားဆိုးများကို ပျောက်ကင်း စေသောဂါထာတော် 🌾🌾🌾🌾🌾🌾🌾🌾🌾🌾 ဇိနံ ဝန္ဒထ ဂေါတမံ ဇိနံ ဝန္ဒာမ ဂေါတမံ ဝိဇ္ဇာ စရဏ သမ္ပန္နံ ဗုဒ္ဓံ ဝန္ဒာမ ဂေါတမံ 🪻🪻🪻🪻🪻🪻🪻 ဇိနံ၊ဒေဝပုတ္တ ကိလေသနှင့် အဘိသင်္ခါရ ခန္ဓ မစ္စု ငါးတန်းသောမာရ်အစုကို အောင်မြင်တော်မူထသော။ ဂေါတမံ၊ ဂေါတမနွယ်ဖွား ရှင်တော်မြတ်ဘုရားကို။ ဝန္ဒထ၊ ကာယဝစီမနောချီ၍ သုံးလီကမ္မဂါရဝဖြင့် ရိုသေမြတ်နိုးလက်စုံမိုး၍ရှိခိုးကန်တော့ကြပါကုန်တော့လော့။ ဇိနံ၊ ဒေဝပုတ္တကိလေသာနှင့် အဘိသင်္ခါရ ခန္ဓ မစ္စု ငါးတန်သောမာရ်စုကိုအောင်မြင်တော်မူထသော။ ဂေါတမံ၊ ဂေါတမနွယ်ဖွားရှင်တော်မြတ်ဘုရားကို။ဝန္ဒာမ၊ ကိုယ်နှုတ်နှလုံသုံးပါးပြောင်း‌ပျော့ မာန်ကိုလျော့၍ ရိုသေမြတ်နိုးလက်စုံမိုး၍ရှိခိုးကန်တော့လိုက်ကြပါကုန်၏အရှင်ဘုရား။ ဝိဇ္ဇာစရဏသမ္ပန္နံ၊ ဝိဇ္ဇာသုံးပါး၊ဝိဇ္ဇာ၈ပါး၊စရဏတရားတစ်ဆယ့်ငါးပါးတို့နဲ့ပြည့်စုံတော်မူထိုက်ထသော။ ဗုဒ္ဓံ၊ ဒုက္ခသမုဒယ နိ‌ရောဓနှင့် မဂ္ဂတစ်ဖြာလေးသစ္စာကို ဆရာမကူသယမ္ဘူဉာဏ်ဖြင့်ထိုးထွင်း၍သိမြင်တော်မူသော မြတ်စွာဘုရားကို။ဝန္ဒာမ၊ရိုသေမြတ်နိုးလက်စုံမိုး၍ရှိခိုးကန်တော့လိုက်ကြပါကုန်၏ဘုရား။ ,#မှတ်ချက် ဂါထာ၏လေးကြောင်းမြောက်တွင် ဇိနံ ဝန္ဒာမကို မိမိတဦးတစ်ယောက်အတွက်ဆိုလျှင် ဝန္ဒာမိလို့ရွတ်ဖတ်ပေးပါ မိမိတို့အိမ်သူအိမ်သားများအတွက်ဆိုလျှင် ဝန္ဒာမ လို့ရွတ် ဖတ်ပူဇော်ပေးပါ။ အနက်ကိုတော့ သိမြင်အောင်ရေးသားခြင်းဖြစ်ပါတယ်။ ပုတီးစိပ်ရမှာကတော့ ပါဠိတော်တစ်ဂါတာလုံးကို ပုတီးတစ်လုံးချရမှာဖြစ်ပါတယ် ပုတီးမစိပ်ခင်မှာ ဩကာသကန်တော့ကျိုးဖြင့်ဘုရားရှိခိုးပါ ငါးပါးသီလခံယူပါ။ ဗုဒ္ဓမြတ်စွာဘုရားကိုသောက်တော်ရေကပ်ပါ။ ဖြစ်နိုင်ရင် သောက်တော်ရေသုံးခွက်သို့မဟုတ်ငါးခွက်အထိဗုဒ္ဓမြတ်စွာဘုရားကိုကပ်ပေးပါ။ ထို့နောက်ပုတီးတစ်ပါတ်နေ့စဉ် စိပ်၍ မိမိဖြစ်ပေါ်နေသောရောဂါများကို လျင်မြန်စွာပျောက်ကင်းပါရစေဘုရားစေလိုဆုတောင်းပေးပါ ။ သတ္တဝါများကိုမေတ္တာ‌ဝေငှပေးပါ အမျှအတန်းလည်းပေးပါ။ ခပ်သိမ်းသတ္တဝါဘေးရန်ကွာ ချမ်းသာကိုယ်စိတ်မြဲပါစေ။ စကားဝါရွှေပြည် ဆရာတော် - @sakawar5041