बजारमा ग्याँसको अभाव, पसलमा भेटियो बितरण नगरी राखिएको ४२ थान ग्याँस सिलिण्डर, अनुगमन टोली पुगेपछि ग्याँस बिक्रेता भन्छन हामीकहाँ ग्याँस लिनै कोहि आएका छैनन, आएमा तत्काल दिन्छौं । तारकेश्वर नगरपालिकाको बजार अनुगमन टोलीले गर्यो पसलमा सिल काठमाडौं । काठमाडौंको तारकेश्वर नगरपालिका–३ चिसापानीमा आवश्यक अनुमति र कानुनी प्रक्रिया पूरा नगरी ग्याँस सिलिन्डर बिक्री–वितरण भइरहेको भेटिएपछि नगरपालिकाले उक्त स्थानमा सिलबन्दी गरेको छ। तारकेश्वर नगरपालिकाको अनुगमन टोलीले गरेको निरीक्षणका क्रममा बिक्रीका लागि राखिएका ४२ वटा ग्याँस सिलिन्डर फेला पारेको थियो। ग्याँसजस्तो संवेदनशील तथा जोखिमयुक्त वस्तुको बिक्री–वितरणका लागि आवश्यक अनुमति, सुरक्षा मापदण्ड र कानुनी प्रक्रिया पूरा गर्नुपर्ने भए पनि सम्बन्धित स्थानमा ती प्रक्रिया पूरा नगरी कारोबार भइरहेको पाइएपछि नगरपालिकाले तत्काल कारबाही अघि बढाएको हो। अनुगमनका क्रममा ग्याँस बिक्री–वितरणका लागि आवश्यक अनुमति, सुरक्षा व्यवस्थापन, भण्डारणको अवस्था तथा उपभोक्ताको सुरक्षासँग सम्बन्धित विषयमा समेत निरीक्षण गरिएको नगरपालिकाले जनाएको छ। अनुगमन टोलीमा तारकेश्वर नगरपालिका अनुगमन समिति, तारकेश्वर चेम्बर अफ कमर्सका प्रतिनिधि, राष्ट्रिय उपभोक्ता मञ्चका प्रतिनिधि, नेपाल प्रहरी, नगर प्रहरी तथा सञ्चारकर्मी सहभागी थिए। टोलीले निरीक्षण गर्दा बिक्रीका लागि राखिएका ४२ वटा सिलिन्डर भेटिएपछि अनुमति तथा आवश्यक प्रक्रिया पूरा नगरेको पाइएकाले उक्त स्थानमा सिलबन्दी गरिएको हो। नगरपालिकाले थप आवश्यक प्रक्रिया पूरा गरी कानुनबमोजिम कारबाही अघि बढाउने जनाएको छ। सिल गरिएको डिपोमा भोली नगरपालिकाले समन्वय गरेर ग्याँस अभाव भएका सर्वसाधारणका लागि बितरण गर्ने जनाएको छ । तारकेश्वर नगरपालिकाले अनुमति बिना सञ्चालन भइरहेका तथा उपभोक्ताको स्वास्थ्य र सुरक्षामा असर पार्न सक्ने व्यवसायिक गतिविधिमाथि आगामी दिनमा समेत नियमित अनुगमनलाई निरन्तरता दिने अनुगमन समितिका सदस्य एवं तारकेश्वर नगरपालिकाका अधिकृत भुपेन्द्रसिंह बडालले बताए । #follower #anugaman #follower #foryoupageシ #anugaman *news from sagarmatha post - @rabinakc2082