မြောက်ဥက္ကလာ၊ သုဓမ္မာလမ်းမပေါ်တွင် ဗိုလ်မှူးတစ်ဦး ဦးဆောင်၍ အရပ်ဝတ်ပျူစောထီးများက ယနေ့ ညပိုင်း လူငယ်များကို လိုက်လံ ပေါ်တာဆွဲ ဖမ်းဆီးပြီး တစ်ဦးလျှင် ငွေကျပ် သိန်း ၅၀ ဖြင့် ပြန်ရွေးခိုင်း ရန်ကုန်၊ စက်တင်ဘာ ၉ ရန်ကုန်တိုင်း၊ မြောက်ဥက္ကလာမြို့နယ်၊ သုဓမ္မာလမ်းမပေါ်တွင် ဗိုလ်မှူးတစ်ဦး ဦးဆောင်၍ အရပ်ဝတ်ပျူစောထီးများက ယနေ့ ညပိုင်း လူငယ်များကို လိုက်လံ ပေါ်တာဆွဲ ဖမ်းဆီးပြီး တစ်ဦးလျှင် ငွေကျပ် သိန်း ၅၀ ဖြင့် ပြန်ရွေးခိုင်းနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့ စက်တင်ဘာလ ၉ ရက်နေ့ ညပိုင်းမှ စတင်ပြီး မြောက်ဥက္ကလာမြို့နယ်၊ သုဓမ္မာလမ်းမပေါ်ရှိ နွယ်ပိုးအိမ်ဆိုင်ရှေ့တွင် ရုံးဆင်းလာသည့် လူငယ်များကို ပစ်မှတ်ထား၍ ပျူစောထီးများက ကားဖြင့် ပိတ်ဆို့ကာ ပေါ်တာဆွဲ ဖမ်းဆီးမှုများ ပြုလုပ်ခဲ့ကြောင်း သိရသည်။ အဆိုပါ ပေါ်တာဆွဲ ဖမ်းဆီးမှုကို ဗိုလ်မှူး စစ်မင်းအောင်ဆိုသူက ဦးဆောင်ပြီး လက်ထဲတွင်လည်း ဘီယာဘူးများ ကိုင်ဆောင်ထားကြောင်း၊ ၎င်းနှင့်အတူ ပြီးခဲ့သည့် စက်တင်ဘာလ ၆ ရက်နေ့က မြောက်ဥက္ကလာ ၂ ဈေးထိပ်တွင် ပေါ်တာဆွဲရာ၌ ပါဝင်ခဲ့သော မဲကြီး၊ ရွှေအ နှင့် ညီညီလွင် ဆိုသော ပျူစောထီးအဖွဲ့ဝင်များလည်း ပါဝင်ကြောင်း သိရှိရသည်။ ဖမ်းဆီးခံရသည့် အဖြစ်အပျက်ကို မြင်တွေ့လိုက်ရသည့် ဒေသခံတစ်ဦးက “ယနေ့ ည ၆ နာရီကျော်လောက်က စပြီး သုဓမ္မာလမ်းမပေါ် ကန်သာယာပန်းခြံ မရောက်ခင် ဇ ရပ်ကွက် နွယ်ပိုးအိမ်ရှေ့မှာ ရုံးဆင်းလာတဲ့ လူငယ်တွေကို နံပါတ်ပြား အုပ်ထားတဲ့ စစ်ကားနဲ့ ထိုးကြိတ်ရိုက်နှက်ပြီး အတင်းဆွဲခေါ်တာပါ။ ဗိုလ်မှူးစစ်မင်းအောင်ဆိုတဲ့သူက မူးထူးပြီး ဘီယာဘူးကိုင်ကာ ပျူတွေနဲ့အတူ ဦးဆောင်ဆွဲတာ” ဟု ပြောသည်။ ထို့ပြင် ပေါ်တာဆွဲ ဖမ်းဆီးခံရသည့် လူငယ်များထံမှလည်း တစ်ဦးလျှင် ငွေကျပ် သိန်း ၅၀ တောင်းယူခဲ့ကာ ငွေမပေးနိုင်သည့် လူငယ် ၅ ဦးခန့်အား ရိုက်နှက်၍ စစ်ကားအတွင်း အတင်းအဓမ္မ ထည့်သွင်းခေါ်ဆောင်သွားခဲ့ကြောင်း သိရသည်။ ငွေကြေး ပေးဆောင်နိုင်သည့် လူငယ် ၂ ဦးကိုမူ ပြန်လည် လွှတ်ပေးခဲ့ကြောင်း ဒေသခံများ၏ ပြောကြားချက်အရ သိရှိရသည်။ ဓာတ်ပုံ – ၂၀၂၁ ခုနှစ် စစ်အာဏာသိမ်းစ ညအချိန် ရပ်ကွက်များအတွင်း စစ်တပ်က ပြည်သူများကို ရှာဖွေဖမ်းဆီးခဲ့စဉ်။ (ပုံအဟောင်းဖြစ်ပါသည်။)@ZayarTBZ 7.1News🍉 @ZayarTBZ 3 New☑ @ZayarTBZ 11 News #မြန်မာသတင်း #ပြည်တွင်းသတင်း #စစ်တပ်ယုတ်မာမှုပေါင်းစုံငါတို့အသိဆုံး #zayartbz #ဒေသသတင်းရင်းမြစ် - @zayartbz7news