ڕاستە پێم نەوتی مەڕۆ بەڵام من لەو ڕۆژگارەوە؛ هەتا ئەمڕۆ نەخۆم بۆ کۆکرایەوە نە تۆم بۆ لێکدرایەوە نە چیرۆکەکەت تەواو بوو نەجێپەنجەت لە دڵمەوە سڕایەوە .. وەک سێبەرێک لە دوامی و لە هیچ شوێنێکیش بەدی ناکرێیت. ڕۆژەکان دێن و دەچن بەڵام کات لەو چرکە ساتەوە لای من وەستاوە کە تێیدا بێدەنگ بووم و ڕێگام دا بەجێم بهێڵیت وە، کتێبێکی نیوەچڵ و لاپەرەیەکی دڕاو، نە توانیم بەشی پێشوت لەبیر بکەم و نە توانیم ڕستەیەکی نوێ بەبێ تۆ بنووسمەوە، تۆ ڕۆشتی بەڵام شوێن پێیەکانت لە ڕوحمدا بوون بە قوڵترین برین؛ برینێک کە نە دەکولێتەوە تا هاوار بکەم، نە ساڕێژ دەبێت تا هەناسەیەکی ئاسوودە هەڵبێڵم لەو کاتەوە؛ هەموو شەوێک لەگەڵ یادگاریەکانت دەنیشمە سەر مێزی گفتوگۆ و لە کۆتاییدا بە هەر هەمان تەموومژ و پڕ لە پسیارەوە هەڵدەستمەوە، نە توانیم ژیانی خۆم بخەمەوە سەر ڕێڕەوی ڕاستی خۆی، نە توانیم وەڵامێک بۆ ئەم دوورکەوتنەوەیە بدۆزمەوە، چیرۆکی ئێمە کۆتایی نەهات، تەنها وەک ئەوەی لە ناوەڕاستی وشەیەکدا پەڕەکە دڕابێت، ڕاوەستا. بەڵام جێپەنجەکانت، ئەو شوێنەوارانەی لەسەر هەست و دڵم بەجێتم هێشتوون ئەوەندە قوڵن کە هیچ بارانێک نایانشۆرێتەوە و هیچ کاتێکیش توانای سڕینەوەیان نییە. تۆ لە هەموو شوێنێک هەی تەنها لەتەنیشتم نەبێت !! #cal7bx - @cal7bx