@preahpout00099: ☸️ព្រះអង្គទ្រង់សម្តែងយមកបាដិហារ្យ 🪷១. មូលហេតុ និងបុព្វហេតុ (ការប្រកួតប្រជែង) • ការហាមឃាត់ភិក្ខុមិនឲ្យសម្ដែងឫទ្ធិ៖ ដើមឡើយ ព្រះបិណ្ឌោលភារទ្វាជត្ថេរ បានសម្ដែងឫទ្ធិហោះទៅយកបាត្រខ្លឹមចន្ទន៍របស់សេដ្ឋីម្នាក់។ ព្រះពុទ្ធទ្រង់ជ្រាប ក៏បានបញ្ញត្តិវិន័យហាមមិនឲ្យភិក្ខុសង្ឃសម្ដែងឫទ្ធិតទៅទៀត។ • ការឌឺដងពីពួកនិគ្រន្ថ (ដិត្ថី)៖ កាលបើដឹងថាព្រះពុទ្ធហាមសាវ័កមិនឲ្យសម្ដែងឫទ្ធិ ពួកគ្រូធំៗទាំង៦ នៃលទ្ធិដទៃ (ដិត្ថី) បានដើរប្រកាសក្តែងៗថា ពួកគេនឹងសម្ដែងឫទ្ធិប្រកួតជាមួយព្រះពុទ្ធ ព្រោះគិតថាព្រះពុទ្ធនឹងមិនសម្ដែងឫទ្ធិឡើយ ដើម្បីគោរពវិន័យខ្លួនឯង។ • ការទទួលការសាកល្បង៖ ព្រះបាទពិម្ពិសារបានទូលសួរព្រះពុទ្ធ អំពីបញ្ហានេះ។ ព្រះអង្គទ្រង់ឆ្លើយតបថា ច្បាប់វិន័យគឺបង្កើតសម្រាប់សាវ័ក មិនមែនសម្រាប់ព្រះអង្គដែលជាព្រះពុទ្ធឡើយ។ ព្រះអង្គក៏បានណាត់ជួបពួកដិត្ថីដើម្បីសម្ដែងឫទ្ធិនៅក្រោមដើមស្វាយនាក្រុងសាវត្ថី នៅថ្ងៃពេញបូណ៌មី ខែអាសាឍ។ 🪷២. ព្រឹត្តិការណ៍នៃការសម្ដែងឫទ្ធិ • ការបំផ្លាញដើមស្វាយ៖ ពួកដិត្ថីដឹងថាញព្រះពុទ្ធនឹងសម្ដែងឫទ្ធិក្រោមដើមស្វាយ ក៏បានជួលមនុស្សឲ្យកាប់បំផ្លាញដើមស្វាយទាំងអស់ក្នុងក្រុងសាវត្ថី។ • ដើមស្វាយគណ្ឌាមព្វៈ កើតឡើងភ្លាមៗ៖ ថ្ងៃមួយ ជនរក្សាឧទ្យានម្នាក់ឈ្មោះ គណ្ឌៈ បានយកផ្លែស្វាយទុំដ៏ធំផ្អែមមួយផ្លែមកថ្វាយព្រះពុទ្ធ។ ក្រោយសោយរួច ព្រះអង្គឲ្យយកគ្រាប់ស្វាយនោះទៅដាំ។ គ្រាន់តែដាំភ្លាម ដើមស្វាយក៏លូតលាស់ធំខ្ពស់ត្រដែត មានមែកស្លឹក និងផ្លែផ្អែមល្ហឹមភ្លាមៗ ដោយអំណាចពុទ្ធបារមី។ • ការសម្ដែងយមកបាដិហារ្យ៖ ព្រះពុទ្ធទ្រង់បានហោះឡើងទៅលើអាកាស ហើយធ្វើការបំបែកឫទ្ធិជាគូៗ៖ • ភ្លើង និង ទឹក៖ មានអណ្តាតភ្លើងបាញ់ចេញពីដងខ្លួនផ្នែកខាងលើ និងមានទឹកហូរចេញពីដងខ្លួនផ្នែកខាងក្រោម រួចផ្លាស់ប្តូរមកខាងលើខាងក្រោមវិញ។ • ឆ្វេង និង ស្ដាំ៖ ភ្លើងចេញពីខាងឆ្វេង ទឹកចេញពីខាងស្តាំ ឆ្លាស់គ្នាទៅវិញទៅមកយ៉ាងអស្ចារ្យ បញ្ចេញរស្មី ៦ ពណ៌ ភ្លឺរាលដាលពាសពេញចក្រវាឡ។ • ព្រះពុទ្ធនិម្មិត៖ ព្រះអង្គបាននិម្មិតព្រះពុទ្ធមួយព្រះអង្គទៀត។ ពេលព្រះពុទ្ធពិតគង់នៅ ព្រះពុទ្ធនិម្មិតឈរ ឬយាងចង្ក្រម ហើយចោទសួរឆ្លើយឆ្លងធម៌គ្នាទៅវិញទៅមក។ 🪷៣. លទ្ធផល និងការយាងទៅឋានត្រៃត្រិង្ស ការសម្ដែងឫទ្ធិនេះបានធ្វើឲ្យពួកដិត្ថីចុះចាញ់ និងរត់ខ្ចាត់ខ្ចាយអស់ ចំណែកឯមនុស្ស និងទេវតាជាច្រើនបានកើតសទ្ធាជ្រះថ្លាយ៉ាងខ្លាំង។ ភ្លាមៗបន្ទាប់ពីបញ្ចប់ការសម្ដែងយមកបាដិហារ្យ ព្រះសម្មាសម្ពុទ្ធទ្រង់បានឈានព្រះបាទ ៣ ជំហាន យាងឡើងទៅកាន់ឋានត្រៃត្រិង្ស ដើម្បីគង់ចាំព្រះវស្សា និងសម្ដែងព្រះអភិធម្មបិដក ប្រោសព្រះពុទ្ធមាតា (ម៉ាយាទេវី ដែលបានទៅកើតជាសន្តុសិតទេវបុត្រ) ឲ្យបានសម្រេចសោតាបត្តិផល។