@omairfarhann: Business se zyada ahmiyat us banday ki hoti hai jo usay chala raha hai. Maine achay ideas ghalat haathon mein martay dekhe hain — aur aam ideas sahi haathon mein barhtay. Farq yeh hota hai: 1. Woh boring jagah pe baith sakta hai. Aisi jagah rukna jahan kuch samajh nahi aa raha, koi title nahi, koi dekhne wala nahi. Zyada tar log samajh aane se pehle hi uth jaate hain. 2. Woh tayyar hone ka intezar nahi karta. Faisla ek baar hota hai — har subah dobara nahi. Motivation mehmaan hai. System ghar ka banda hai. 3. Woh apne numbers pe khamosh rehta hai. Profit, margin, costing. Jis din yeh sab ke saamne aate hain, us din se logon ka rawaiya badalna shuru ho jaata hai. Kam bolo — tumhe zyada bataya jaayega. 4. Woh galti foran maan leta hai. Na safai, na neeche daalna. Jo founder apna difaa karta hai woh kuch nahi seekhta — aur us ki team sach bolna chhod deti hai. 5. Woh thanday dimagh se faisla karta hai. Na gusse mein, na khushi mein. Mera sab se bara nuqsaan bure mood mein nahi hua tha — ache mood mein hua tha. 6. Usay sale se zyada recovery ki fikar hoti hai. Bechna sab ko aata hai. Paisa wapas laana kam logon ko. Sale tab tak sale nahi, jab tak paisa na aaye. 7. Woh bure mahinon mein apne logon ko bachaata hai. Mushkil waqt mein acha banda nikaal dena sab se mehengi bachat hai. Ek baar tum unke saath khade ho jao — woh saalon tak tumhare saath khade rehte hain. 8. Woh agli subah wapas aata hai. Raat ko sab haar maante hain. Poora khel bas itna hai ke agle din phir wapas jao — saalon tak, jab kuch chal bhi nahi raha. In mein se kaunsi sab se zaroori hai? Aur kaunsi pe tum abhi kaam kar rahe ho? Main hun Omair. With an O. . . #entrepreneurship #businessmindset #leadership #founder #businessadvice

Omair Farhan Official

Open In TikTok:

Region: PK

Thursday 10 September 2026 14:50:41 GMT