@adrisyakatha: प्रदेशमा आएपछि बल्ल बुझ्दैछु बुवा, घरबाट टाढा हुनु भनेको केवल दूरी होइन रहेछ, आफ्ना मान्छेको माया र साथको मूल्य हरेक दिन महसुस गर्नु रहेछ। यहाँ कमाएको पैसाले धेरै कुरा किन्न सकिन्छ होला, तर बुवाको त्यो निस्वार्थ माया किन्न सकिँदैन। थाकेर कोठामा फर्किँदा कहिलेकाहीँ फोनमा हजुरको आवाज सुन्न मन लाग्छ— “बाबु, खाना खायौ?” यति मात्रै सोधिदिँदा पनि दिनभरको थकान केही हल्का भएजस्तो लाग्छ। बुवा, मेरो खल्ती खाली होस्, हातमा पैसा नहोस्, संसारले केही नदियोस्, तर मैले आवश्यक परेको बेला “छैन” भनेर फर्काउन नपरोस् भनेर हजुरले आफ्नो आवश्यकता थाती राखेर मलाई दिनुभएको त्यो माया कसरी बिर्सन सक्छु र? आफूलाई चाहिएको कुरा नकिनेर छोराको आवश्यकता पूरा गर्ने बुवा, आफ्नो रहर दबाएर सन्तानको सपना पूरा गर्न खोज्ने बुवा, सायद त्यसैले त हजुरभन्दा धनी मान्छे मैले यो संसारमा अर्को भेटिनँ। हजुरले मलाई सम्पत्ति धेरै दिनुभएन होला, तर संघर्ष गर्न सिकाउनुभयो, हारेर पनि उठ्न सिकाउनुभयो, र सबैभन्दा ठूलो कुरा— मान्छे भएर बाँच्न सिकाउनुभयो। आज बुवाको मुख हेर्ने दिन रहेछ। अरू छोराहरू आफ्ना बुवाको अगाडि बसेर निधारमा हात राख्दै आशीर्वाद लिँदै होलान्, म भने यो परदेशको कुनामा बसेर मोबाइलको स्क्रिनमा हजुरको अनुहार हेर्दैछु। मनले बारम्बार भन्छ— “एकपटक घर फर्केर बुवाको अगाडि बस्न पाए कति राम्रो हुन्थ्यो होला!” तर जिम्मेवारीले फेरि भन्छ— “अझै केही समय सहनुपर्छ छोरा…” बुवा, आज हजुरको मुख हेर्न मसँगै हुन नसके पनि, मेरो हरेक सासमा हजुरको आशीर्वाद छ। हजुरले मेरो लागि गरेको त्यागको ऋण म सायद कहिल्यै तिर्न सक्दिनँ। बस्, भगवानसँग एउटै प्रार्थना छ— मेरो सफलता हेर्ने, मेरो घर फर्किएको दिन देख्ने र मेरो निधारमा हात राखेर “बाबु, अब धेरै दुःख नगर” भन्न पाउने उमेरसम्म हजुर सधैँ स्वस्थ र खुसी रहनुहोस्। बुवाको मुख हेर्ने दिनको धेरै–धेरै शुभकामना बुवा। प्रदेशमा रहेको तपाईंको छोरा आज झन् धेरै सम्झिरहेको छ। हजुरको सन्तान हुनु नै मेरो जीवनको सबैभन्दा ठूलो धन हो। ❤️ लेखक : अदृश्य कथा @अदृश्य मन @✍️शब्दको 🎖️भन्डार📕✍️🎸 #for #foryoupage #aitrend #buwo #viralvideo

अदृश्य कथा

Open In TikTok:

Region: SA

Thursday 10 September 2026 21:56:18 GMT