@udhammika2: #ဝေဒနာကို ကျော်အောင် ကြိုးစား 🍀🍀🍀🍀🍀🍀🍀🍀🍀🍀🍀 လူမိုက်များက ပြောတတ်ကြတယ် ... "သေတာများ အဆန်းလုပ်လို့, သင်နေရ ဦးမှာလား" "သေတစ်နေ့ မွေးတစ်နေ့ ပဲဟာ" တဲ့။ အဲဒီ အပြောက ... လားရာဂတိကို ထည့်ပြောတာ မဟုတ်ပါဘူး.. ( မှန်ပါ)။ ဝေဒနာ ပေါ်တာကို ... ဝေဒနာကို ကျော်၍, အနိစ္စ တွေ့အောင် ရှာရတဲ့နည်း၊ သေခါနီးမှာ ပေါ်လာတဲ့ ဝေဒနာကို ... "ဒါဟာ ဝေဒနာလား, အနိစ္စလား" လို့ ဉာဏ်နဲ့ကြည့်။ အဲဒီအချိန်မှာ ဝေဒနာ ပျောက်သွားတာ တွေ့ရမယ်( မှန်ပါ )။ အဲဒါ, အနိစ္စပေါ့.. ( မှန်ပါဘုရား )။ ဒါကြောင့် နားလည်တဲ့ သူတွေကျတော့ ... "ဖြစ်တာက .. ဝေဒနာ, ပျက်တာက .. အနိစ္စ" လို့ ခွဲခြားတတ်တယ်.. ( မှန်ပါ )။ သစ္စာသိအောင် လုပ်ပြီး အသေ တတ်ကြတာပေါ့.. ( မှန်ပါဘုရား )။ ဉာဏ်နဲ့ ကြည့်တဲ့အခါ ဝေဒနာကို မတွေ့ရတော့ပဲ, "ဖြစ်ပျက်" ကလေးတွေချည်း တွေ့နေတော့တာကို "ဝေဒနာ ကျော်တယ်" လို့ ပြောတာ.. ( မှန်ပါ ) ။ ဒီတော့ ... "ဝေဒနာကျော်တယ်" ဆိုတာ .. "အနိစ္စ" ကို တွေ့တာပဲ။ "အနိစ္စ" နဲ့ "ဖြစ်ပျက်" ကလည်း အတူတူပဲဆိုတော့, "ဝေဒနာကျော်တယ်" ဆိုတာ "ဖြစ်ပျက်" မြင်တာပဲလို့လည်း ပြောလို့ရတယ်.. (မှန်ပါ )။ ဝေဒနာ ကျော်လွန်အောင် ရှုထားနိုင်မှ စိတ်ချရတာမို့ ဤကိစ္စကို မပေါ့ကြနဲ့.. ( မှန်ပါဘုရား )။ ဒကာ ဒကာမတွေ ... သေခါနီး ဝေဒနာလာရင် ရှေးဦးစွာ ဘာလုပ်ရမလဲ ? နံပါတ် (၁) ဉာဏ်နဲ့ ဝေဒနာကို ရှုပါ။ ရှုတဲ့အခါ ... ဝေဒနာ တခြား, အနိစ္စ တခြား မြင်ပါစေ.. (မှန်ပါဘုရား )။ ဒါဟာ ဝေဒနာ ခွာတာပဲ။ ဝေဒနာဟာ ဝေဒနာပဲ၊ အနိစ္စက အနိစ္စပဲ.. ( မှန်ပါ )။ ဉာဏ်နဲ့ ကြည့်လိုက်တဲ့အခါ ... "ဒါဟာဝေဒနာ မဟုတ်ဘူး၊ ဖြစ်ပြီး ပျက်သွားတဲ့ အနိစ္စကလေးတွေပဲ" လို့ တွေ့စေရမယ်.. ( မှန်ပါဘုရား )။ ဝေဒနာ ကလေးတွေ ဖြစ်ပြီး ပျက်သွားတဲ့ သဘောကို တွေ့အောင် ရှာရမယ်.. ( မှန်ပါ )။ ဝေဒနာကို မတွေ့စေနဲ့.. ( မှန်ပါ )။ ဒီတော့ ... ဝေဒနာလေးတွေက တခြား, ဖြစ်ပျက်က တခြား ဆိုတာ ပေါ်လာမယ်.. ( မှန်ပါ )။ ဖြစ်ပျက် ဆိုတာနဲ့, အနိစ္စ ဆိုတာ အတူတူပဲနော်.. ( မှန်ပါ )။ ဒီတော့ ... (က ) ဝေဒနာ မတွေ့စေနဲ့၊ ဖြစ်ပျက် တွေ့ပါစေ။ ( ခ ) ဝေဒနာ မတွေ့စေနဲ့၊ အနိစ္စ တွေ့ပါစေ။ အတူတူပဲ.. ( မှန်ပါဘုရား )။ မိုးကုတ်ဆရာတော်ဘုရား။ ဦးကံညွန့်၏ မိုးကုတ်ဝိပဿနာ ရှုပွားနည်းမှ m . m . l

U Dham Mi Ka

Open In TikTok:

Region: MM

Friday 11 September 2026 01:30:29 GMT