@arewatracks: ​Fitaccen mawaƙin nan, Ado Gwanja, ya fito ya wanke kansa tare da gargaɗi mai zafi ga masu ci gaba da yaɗa jita-jitar cewa har yanzu yana kwance a asibiti yana jinya. ​A wani bayani da ya wallafa, Gwanja ya tabbatar da cewa tabbas ya yi rashin lafiya domin kuwa "cuta ba abin kunya ba ce," amma fa tun fiye da watanni biyu da suka gabata ya warke kuma ya baro asibiti! ​Mawaƙin ya nuna mamakinsa kan masu yaɗa labaran ƙarya, inda ya bayyana cewa ko hoto ɗaya bai bari an ɗauke shi ba lokacin yana jinya. Sannan ya ƙi bayyana irin cutar da ta kama shi, yana mai cewa hakan sirri ne tsakaninsa da mahaliccinsa da ya jarrabe shi. ​Don tabbatar wa da masoyansa cewa ya dawo bakin aiki, Ado Gwanja ya tuna musu cewa har sabuwar waƙa ya saki mai suna "Tabare" a kwanakin nan. ​Ya kuma buƙaci gidajen jaridu da masu wallafa labarai su riƙa bincike kafin su yaɗa labari. ​Me zaku ce game da wannan kalami na Ado Gwanja, musamman ga masu yaɗa labaran ƙarya? 👇 #adogwanja #arewatracks #foryou #arewa__tiktok #kannywood

Arewa Tracks

Open In TikTok:

Region: NG

Friday 11 September 2026 05:03:08 GMT