@mahmoodjanahiz: 🥭✨ ترايفل تشيزكيك المانجو ✨🥭 إذا خاطركم في حلو سريع وسهل، وما يبي له لا خبز ولا مكونات وايد… هالوصفة لكم! 😍👌🏼 تشيزكيك كريمي، مانجو فريش، بوريه مانجو، كيك وبسكوت… طبقات فوق بعض والنتيجة حلو خفيف ولذيذ وشكله يهبل! 💛 والأحلى إن أغلب المكونات ممكن تكون موجودة عندكم في البيت. 🥭 طبقة التشيزكيك: • 500 غرام جبن فيلادلفيا • علبة حليب مكثف محلى • ملعقة كبيرة فانيلا • كوبين كريمة خفق، مخفوقة 🥭 طبقة المانجو: • مانجو فريش مقطع مكعبات • كوب بوريه مانجو 🍰 باقي الطبقات: • كيك باوند جاهز، مقطع شرايح • 400 غرام بسكوت دايجستف أو لوتس، مطحون • 100 غرام زبدة مذوبة • توت مشكل للتزيين 👨🏻‍🍳 الطريقة: أول شي نخلط البسكوت المطحون مع الزبدة ونخليه على صوب. في العجانة نحط جبن فيلادلفيا مع الحليب المكثف والفانيلا، ونخلطهم لمدة دقيقتين إلى 3 دقايق لين يصير الخليط ناعم وكريمي. نضيف كريمة الخفق المخفوقة ونقلبها بهدوء مع الخليط لين تتجانس. والحين نبتدي بالطبقات 😍 في صحن التقديم أو صحن الترايفل، نحط طبقة من البسكوت، بعدها طبقة من خليط التشيزكيك، وفوقها المانجو المقطع وبوريه المانجو، وبعدين شرايح الباوند كيك. نكرر نفس الطبقات مرتين أو 3 مرات على حسب حجم الصحن. آخر طبقة نغطيها بالمانجو الفريش وبوريه المانجو، ونزينها بالتوت. 🥭🍓🫐 نغطي الترايفل وندخله الثلاجة من ساعتين إلى 4 ساعات على الأقل، وبعدها نقدمه بارد. وبس! 😍 لا فرن، ولا عوار راس، ولا مكونات معقدة! حلو سهل وسريع وطعمه يهبل، خصوصاً حق لمة الأهل والربع. 💛🥭 جربوه وقولوا لي شرايكم… ولا تنسون تحفظون الوصفة حق وقت المانجو! 😋 #تشيزكيك #مانجو #ترايفل #تشيزكيك_مانجو #حلا_سهل

Mahmood Janahiz

Open In TikTok:

Region: BH

Friday 11 September 2026 08:13:19 GMT