@sehti_fd9i9a: 🥘✨ Paella سهلة ولذيذة فالدار! 😋 كتقدري ديريها بفواكه البحر 🦐🦑🦪 ولا بقطع الدجاج 🍗 حسب الاختيار ديالك. 🛒 المقادير لـ 4 أشخاص: 🍚 300غ رز طويل الحبة 🍗 400غ دجاج أو 🦐 400غ فواكه البحر 🧅 بصلة كبيرة مقطعة رقيقة 🍅 1 معلقة كبيرة طماطم مركزة 🌿 2 معالق كبار معدنوس مقطع 🧈 1 معلقة كبيرة زبدة 🫒 2 معالق كبار زيت 🧂 ملح + إبزار 🌶️ شوية تحميرة/بابريكا 💧 600 مل ماء تقريباً 🫑 فلفلة للتزيين 🍋 حامضة للتزيين 👩‍🍳 الطريقة: 🧈 فمقلة واسعة، ذوّبي الزبدة وزيدي الزيت. 🧅 زيدي البصلة وخليها تتشحر مزيان حتى تولي شفافة. 🍅 زيدي الطماطم المركزة + المعدنوس + الملح + الإبزار + البابريكا وخلطي. 🍚 زيدي الرز وقلبيه مع الخليط 2 دقايق باش يتشرب النكهات. 🦐 إلا اخترتي فواكه البحر، زيديها وقلبيها 3 دقايق. 🍗 إلا اخترتي الدجاج، زيدي القطع وخليها تتشحر 5–7 دقايق. 💧 دابا زيدي 600 مل ماء سخون، وحركي مرة وحدة. ✨ رتبي فوق الرز شوية من فواكه البحر أو قطع الدجاج، وزيدي الفلفلة والحامض للتزيين. 🔥 غطي المقلة وخليها تطيب فوق نار مهيلة 18–20 دقيقة حتى يتشرب الرز الماء ويطيب مزيان. ⏳ طفي العافية وخليها ترتاح 5 دقايق قبل التقديم. 😍🥘 وها هي paella واجدة… بنينة، سهلة وكتشهي! ❤️

Sehti fd9i9a

Open In TikTok:

Region: MA

Friday 11 September 2026 10:34:05 GMT