ទិវាអក្ខរកម្មពិភពលោក ដែលបានប្រារព្ធឡើងក្នុងខែនេះ រំឭកនាងខ្ញុំថា ការរៀនសូត្រមិនបានបញ្ចប់នៅពេលដែលយើងចាកចេញពីថ្នាក់រៀននោះទេ។ នាងខ្ញុំតែងតែឱ្យតម្លៃលើការសិក្សាអប់រំ ព្រោះរាល់ចំណេះដឹងថ្មីៗដែលយើងទទួលបាន ជួយឱ្យយើងយល់កាន់តែច្បាស់អំពីពិភពលោក និងមនុស្សនៅជុំវិញខ្លួន។ សម្រាប់នាងខ្ញុំ រឿងមួយដែលនាងខ្ញុំចូលចិត្តបំផុត គឺការរៀនភាសា។ សូម្បីតែពាក្យថ្មីត្រឹមតែមួយ ក៏អាចជួយឱ្យយើងស្គាល់ពីវប្បធម៌ថ្មី របៀបគិតថ្មី ឬវិធីថ្មីមួយក្នុងការប្រាស្រ័យទាក់ទងជាមួយអ្នកដទៃ។ ហេតុនេះហើយ នាងខ្ញុំព្យាយាមរៀនពាក្យថ្មីៗយ៉ាងហោចណាស់មួយពាក្យជារៀងរាល់ថ្ងៃ។ វាអាចមើលទៅជាទម្លាប់តូចមួយ ប៉ុន្តែយូរៗទៅ ការរៀនបន្តិចម្តងៗនឹងក្លាយជាចំណេះដឹងពេញលេញមួយ។ យើងមិនចាស់ពេក មមាញឹកពេក ឬជោគជ័យពេកក្នុងការរៀនបន្ថែមនោះទេ។ ក្នុងឱកាសទិវាអក្ខរកម្មពិភពលោក នាងខ្ញុំសង្ឃឹមថា យើងទាំងអស់គ្នាអាចរំឭកខ្លួនឯង និងក្មួយៗជំនាន់ក្រោយឱ្យបន្តចង់ដឹងចង់ឮ បន្តអាន និងក្រេបជញ្ជក់ចំណេះដឹង មិនថាមួយពាក្យ ឬមួយទំព័រ ក្នុងមួយថ្ងៃទៅមួយថ្ងៃ។ #MaoChamnan #RoyalGroup #LiteracyDay #Education - @maochamnan_official