@thiaungwin.tiktok.com3: မာတုကာမနှင့် မဖွယ်မရာပြုမူသည့် အယုဒ္ဓယရှိ ကျောင်းထိုင်ဆရာတော် ဘတ် ၉၂ သန်းကျော် အလွဲသုံးမှုဖြင့် လူဝတ်လဲ ဖမ်းဆီးခံရ စက်တင်ဘာ ၁၀၊ ၂၀၂၆ ထိုင်းနိုင်ငံ၊ အယုဒ္ဓယမြို့ရှိ ဝပ်ဖုထိုင်းစဝမ် (Wat Phutthaisawan) ကျောင်းတိုက်က သက်တော် ၆၆ နှစ်အရွယ် ကျောင်းထိုင်ဆရာတော် ဖရာဝမ်ချိုင်ရာယန် (Phra Wachirayan) ဟာ ကျောင်းတိုက်ရန်ပုံငွေ ဘတ် ၉၂ သန်းကျော် အလွဲသုံးစားပြုလုပ်မှု၊ ငွေကြေးခဝါချမှုတို့နဲ့ ဖမ်းဆီးခံလိုက်ရတယ်လို့ ထိုင်းသတင်းဌာနတွေကနေ ဖော်ပြထားကြပါတယ်။ ဒီကနေ့ စက်တင်ဘာလ ၁၀ ရက်နေ့၊ မနက်ပိုင်းမှာ အဆိုပါ ကျောင်းထိုင်ဆရာတော်ကို ထိုင်းအထူးစုံစမ်းရေးရဲတပ်ဖွဲ့ (CIB) ကနေပြီး လူဝတ်လဲ ဖမ်းဆီးလိုက်တာ ဖြစ်တယ်လို့ သိရပါတယ်။ ကျောင်းထိုင်ဆရာတော်ဟာ ပြီးခဲ့တဲ့ ၂ နှစ်အတွင်းမှာ ကျောင်းတိုက်နာမည်နဲ့ မမှန်မကန် အလှူငွေလက်ခံဖြတ်ပိုင်း ၂၀ ကျော် ထုတ်ပေးကာ ဘတ် ၉၂ သန်းကျော်ကို လျှို့ဝှက်ထုတ်ယူခဲ့ကြောင်း CIB ကဆိုပါတယ်။ အဲဒီငွေတွေကို သူနဲ့နီးစပ်တဲ့ အမျိုးသမီးတစ်ဦးဆီ လွှဲပြောင်းပေးခဲ့ပြီး အခြားသူတွေရဲ့ နာမည်နဲ့ လျှို့ဝှက်ထိန်းသိမ်းစေကာ ငွေကြေးခဝါချမှုတွေ ပြုလုပ်ခဲ့တာဖြစ်ကြောင်း ထိုင်းမီဒီယာတွေက ဖော်ပြထားကြပါတယ်။ ငွေတွေလွဲပြောင်းရယူထားတဲ့ အမျိုးသမီးရဲ့ ဘဏ်အကောင့်မှာ နှစ်စဉ် ဘတ် သန်းပေါင်းများစွာ ငွေစီးဆင်းမှုရှိနေပြီး ဘုန်းကြီးကျောင်းခန်းအတွင်းက လုံခြုံရေးကင်မရာ မှတ်တမ်းမှာလည်း ဆရာတော်ဟာ အဆိုပါ အမျိုးသမီးနဲ့ မဖွယ်မရာ ဆက်ဆံနေတာကို တွေ့ရှိရကြောင်း ရဲတပ်ဖွဲ့ကနေ ဆိုထားပါတယ်။ လက်ရှိမှာတော့ အဆိုပါ ဆရာတော်ကို လူဝတ်လဲပြီး CIB ဌာနချုပ်ကို ခေါ်ဆောင်သွားခဲ့သလို ကြံရာပါ အမျိုးသမီးကိုလည်း ရဲတပ်ဖွဲ့ကနေ ဖမ်းဆီးထိန်းသိမ်းထားတယ်လို့ သိရပါတယ်။ ဒါ့အပြင် ဆရာတော်ဟာ တာဝန်ဝတ္တရား ပျက်ကွက်မှု၊ အလွဲသုံးစားပြုလုပ်မှု၊ မလျော်သြဇာသုံးမှုနဲ့ ငွေကြေးခဝါချမှု အပါအဝင် စွဲချက်များစွာနဲ့ တရားစွဲဆိုခံရမှာဖြစ်တယ်လို့လည်း သိရပါတယ်။ ဓာတ်ပုံ - Khaosod #ထိုင်းသတင်း #အယုဒ္ဓယ #foryoupageシ #facebookreels #လူမဆန်မှု Part 8

တိုးတက်အောင်

Open In TikTok:

Region: TH

Friday 11 September 2026 12:28:20 GMT