မနက်နိုးနိုးချင်း ရေတစ်ခွက် သောက်တာဟာ ခန္ဓာကိုယ်ထဲက အဆိပ်အတောက်တွေကို ဖယ်ရှားပေးတယ်ဆိုပြီး အားလုံးလိုလို လုပ်လေ့ရှိကြတယ်ဟုတ်။ ကျန်းမာရေးအတွက် လုပ်တာမှန်ပေမဲ့ သောက်တဲ့ ပုံစံလေး နည်းနည်းလွဲသွားတာနဲ့ ကောင်းကျိုးထက် ဆိုးကျိုးက ပိုများသွားတတ်ပါတယ်။ အထူးသဖြင့် မနက်နိုးတာနဲ့ မျက်နှာမသစ်၊ သွားမတိုက်၊ အာလုပ်တောင် မကျင်းဘဲ အိပ်ရာဘေးက ရေခွက်ကို လှမ်းဆွဲပြီး အလောတကြီး မော့သောက်လိုက်တဲ့ အလေ့အကျင့်ရှိတဲ့သူတွေ သတိထားစရာလေးတွေ ရှိပါတယ်နော်။ ညဘက် တစ်ညလုံး အိပ်နေတဲ့အချိန်မှာ ပါးစပ်ထဲ အစာကြွင်းအကျန်တွေကြောင့် ဘက်တီးရီးယားတွေ အများကြီး ပေါက်ဖွားနေတတ်ပါတယ်။ အာလုပ်မကျင်းဘဲ ရေချက်ချင်း သောက်ချလိုက်တဲ့အခါ အဲဒီ ပိုးမွှားတွေက ရေနဲ့အတူ အစာအိမ်ထဲ တိုက်ရိုက်ရောက်သွားပြီး ရေရှည်မှာ အစာခြေလမ်းကြောင်းနဲ့ အစာအိမ်ကို ထိခိုက်လာစေနိုင်လို့ပါ။ မနက်ခင်းမှာ ခန္ဓာကိုယ်အတွက် တကယ် အထောက်အကူဖြစ်စေမယ့် မှန်ကန်တဲ့ ရေသောက်နည်းလေးက အရမ်းရိုးရှင်းပါတယ်။ ပြင်ဆင်ရန် လိုအပ်တာလေးတွေ ရေနွေးနွေး (သို့မဟုတ်) ရေရိုးရိုး - ဖန်ခွက် အနေတော် ၁ ခွက် (၂၅၀ မီလီလီတာခန့်) အာလုပ်ကျင်းရန် ရေ သီးသန့် - ၁ ခွက်ခန့် လုပ်ဆောင်ရမယ့် နည်းလမ်းလေး မနက်နိုးတာနဲ့ အရင်ဆုံး မတ်တပ်ထမရပ်သေးဘဲ သက်တောင့်သက်သာလေး ထိုင်လိုက်ပါ။ ပြီးရင် ရေမသောက်ခင် ပါးစပ်ထဲက တစ်ညလုံး စုနေတဲ့ ဘက်တီးရီးယားပိုးမွှားတွေ သန့်စင်သွားအောင် ရေနဲ့ အာလုပ် ၂ ကြိမ်၊ ၃ ကြိမ် သေချာ ပလုတ်ကျင်းပြီး ထွေးထုတ်ပစ်ပါ (သွားတိုက်ပြီးမှဆိုရင်တော့ အကောင်းဆုံးပေါ့နော်)။ အာလုပ်ကျင်းပြီး သန့်ရှင်းသွားပြီဆိုမှ အသင့်ပြင်ထားတဲ့ ရေနွေးနွေးလေး တစ်ခွက်ကို ထိုင်လျက် အနေအထားနဲ့ ဖြည်းဖြည်းချင်း တစ်ငုံချင်း စုပ်သောက်ပေးပါ။ မနက်စောစောမှာ ရေခဲရေ မသောက်သင့်ပါဘူးနော်၊ အေးစက်နေတဲ့ ရေက အစာခြေအင်္ဂါတွေကို ရုတ်တရက် အေးခဲစေပြီး သွေးလည်ပတ်မှုကို နှေးစေလို့ပါ။ မတ်တပ်ရပ်မသောက်ဘဲ ထိုင်သောက်ပေးတာကလည်း ကျောက်ကပ်ကို ဝန်မပိစေပါဘူး။ မနက်ဖြန်ကစပြီး အိပ်ရာနိုးလို့ ရေသောက်တော့မယ်ဆိုရင် "အာလုပ်အရင်ကျင်းဖို့" နဲ့ "ထိုင်သောက်ဖို့" လေးကို သတိတရ ပြောင်းလဲကြည့်ကြရအောင်နော်။ သေးသေးမွှားမွှားလေး ထင်ရပေမဲ့ ကိုယ့်ကျန်းမာရေးအတွက် တကယ်ကို ထူးခြားတဲ့ ပြောင်းလဲမှုလေးတွေ တွေ့ရမှာပါ။ ကိုယ့်မိသားစုနဲ့ ချစ်ခင်ရတဲ့ သူငယ်ချင်းတွေလည်း မှန်မှန်ကန်ကန် သောက်တတ်အောင် ဒီပိုစ့်လေးကို အသိပေး ပြန်မျှဝေပေးလိုက်ပါဦးရှင်။ - @zarphyu332