@millardayo_: Mjadala umeibuka katika Baraza la Wawakilishi Zanzibar kuhusu matumizi ya kamera za kudhibiti mwendo kasi barabarani, baada ya Mwakilishi wa Jimbo la Paje, Jaku Ayoub kuhoji hatua zinazochukuliwa dhidi ya magari ya Viongozi yanayokiuka Sheria za Usalama Barabarani. Jaku amesema ameshuhudia magari ya Mawaziri, Manaibu Waziri na mengine ya Serikali ya Mapinduzi ya Zanzibar (SMZ) yakiendeshwa kwa mwendo kasi unaokiuka sheria. Ametaka magari hayo pia yapigwe faini, akidai utekelezaji wa Sheria unaonekana kumkandamiza Mwananchi wa kawaida huku akilalamikia ukubwa wa faini zinazotozwa. Akijibu hoja hiyo, Naibu Waziri wa Mawasiliano na Uchukuzi Zanzibar, Badria Attai amesema Sheria hizo zinawahusu wote na hazilengi kuwakandamiza wanyonge kwani yapo magari ya SMZ yaliyo kwenye rekodi za makosa ya usalama barabarani. #MillardAyoUPDATES