@millardayo_: Watu watano wamejeruhiwa baada ya lori kupoteza mwelekeo na kugonga vyombo vingine vinne vya usafiri katika Barabara Kuu ya Songea–Njombe, eneo la VETA–Msamala, Manispaa ya Songea Mkoani Ruvuma. Kaimu Kamanda wa Jeshi la Zimamoto na Uokoaji mkoani Ruvuma, Melania Nyabwinyo amesema walipofika eneo la ajali walimkuta dereva wa lori amebanwa ndani ya gari hilo ambapo Waokoaji walifanikiwa kumtoa na kumfikisha hospitalini, huku majeruhi wengine wanne wakiwa tayari wamepelekwa hospitalini kwa matibabu. Ajali hiyo ilihusisha gari aina ya Land Cruiser, gari dogo, bajaji na pikipiki ambapo kwa mujibu wa Mashuhuda, Waziri Nchimbi na Thabiti Hamidu, lori hilo lilikuwa likiendeshwa kwa mwendo kasi huku dereva akijaribu kulipita gari lililokuwa mbele yake, kabla ya kukutana na vyombo vya usafiri vilivyokuwa vikitokea upande wa pili. Mashuhuda hao wamesema dereva alijaribu kulirejesha lori upande wake baada ya kushindwa kukamilisha kulipita gari hilo, lakini akashindwa kulidhibiti na kugonga vyombo hivyo. #MillardAyoUPDATES

millardayo

Open In TikTok:

Region: TZ

Friday 11 September 2026 15:23:37 GMT