@phyo09753646135: #လွှတ်ချနိုင်ခဲ့ပြီ🌹🌹💪🤍 @~ :မချစ်တော့ဖို့ ကြိုးစားရင်း တကယ်မချစ်တော့တဲ့နေ့ ရောက်သွားမယ်လို့ ကိုယ်မထင်ခဲ့ဖူးဘူး။ အစပိုင်းမှာတော့ ကိုယ်ကြိုးစားခဲ့တာ မေ့ပစ်ဖို့မဟုတ်ဘူး။ နည်းနည်းလေးပဲ လျှော့ချစ်ဖို့၊ နည်းနည်းလေးပဲ မျှော်လင့်ချက်တွေ လျှော့ထားဖို့ပါ။ ဒါပေမယ့် နေ့တွေကြာလာတော့ ကိုယ်မသိလိုက်ခင်မှာပဲ အရင်က သူ့ဆီရောက်နေတဲ့ စိတ်တွေဟာ တဖြည်းဖြည်း ပြန်ဆုတ်သွားခဲ့တယ်။ တစ်ချိန်က သူပို့တဲ့စာကို စောင့်နေခဲ့တဲ့ကိုယ်က အခုတော့ ဖုန်းမြည်လာရင်တောင် မကြည့်ဖြစ်တော့ဘူး။ သူ့အကြောင်း ကြားရရင် ရင်ခုန်ခဲ့တဲ့ကိုယ်က အခုတော့ ဘာမှမခံစားရတော့ဘူး။ တကယ်တော့ မချစ်တော့ဘူးဆိုတာ ပျော်စရာမဟုတ်ဘူး။ ကိုယ်ထင်ခဲ့သလို လွတ်မြောက်သွားတဲ့ ခံစားချက်လည်း မဟုတ်ဘူး။ ဝမ်းနည်းစရာကောင်းတာက တစ်ချိန်က အသက်လောက်အရေးကြီးခဲ့တဲ့ လူတစ်ယောက်ဟာ အခုတော့ သာမန်လူတစ်ယောက်လို ဖြစ်သွားတာပဲ။ ကိုယ်မချစ်တော့တဲ့နေ့မှာ သူ့ကို မုန်းနေတာလည်း မဟုတ်ဘူး။ နာကျည်းနေတာလည်း မဟုတ်ဘူး။ ချစ်ခြင်းမေတ္တာတွေ အားလုံး ကုန်သွားလို့ပဲ။ တစ်ခါတလေ ကိုယ်တွေးမိတယ်။ အရင်က ဒီလောက်ချစ်ခဲ့တာ အမှန်ရော ဟုတ်ခဲ့ရဲ့လားလို့။ ဒါပေမယ့် ဟုတ်ပါတယ်။ အဲဒီချစ်ခြင်းက အမှန်တကယ် ရှိခဲ့တာပါ။ ရှိခဲ့လို့လည်း အခုလို ပျောက်ဆုံးသွားတဲ့အခါ ပိုပြီး ဝမ်းနည်းရတာ။ လူတစ်ယောက်ကို ဆက်ချစ်နေရတာထက် ပိုနာကျင်တာ ရှိတယ်။ အဲဒါကတော့ ကိုယ်အရမ်းချစ်ခဲ့တဲ့ လူတစ်ယောက်ကို မချစ်တော့တဲ့နေ့ ရောက်လာတာပဲ။ ဘာလို့လဲဆိုတော့ အဲဒီနေ့ဟာ သူ့ကို ဆုံးရှုံးလိုက်တဲ့နေ့ မဟုတ်ပဲ တစ်ချိန်က သူ့အတွက် ရင်ခုန်ခဲ့တဲ့ ကိုယ့်ကိုယ်ကို ဆုံးရှုံးလိုက်ရတဲ့နေ့ ဖြစ်နေလို့ပဲ။

There are no more comments for this video.

To see more videos from user @phyo09753646135, please go to the Tikwm homepage.