@music.sudan29: #رسالتي الى "مصطفى سيد احمد" # نحن لسه قاعدين داير أوريك بأنو القطر ما قتل (عم عبد الرحيم) و البنية تاني ما خافت من نار الحروف و حرقت بيوتات القصيد و السمحة رحلوها و كلنا مشينا على الممشي العريض و لسه نحن مع الطيور الما بتعرف لها خارطة .. كل صباح يبدأ من فجر المشارق وبيمر بالصباح الباهي وصباحات المواني و الى نهارات الصبر .. ساعة المغربية و في خاطري لحظاتنا الندية و ندخل الليل الكلو غربة و شجن و وتر حزين .. نحن يا مصطفى بيننا الامنيات و التضحية و بيننا العذابات في الحياة بينا الاخلاص على قلب انكوى و كلام كتير قلناهو اخر الليل سوا الا كلامنا الكان و كان خايف شالو الهوا.. لمه قال(انا بغني لجيل لسه ما اتولد) نحن الجيل الكان مقصود .. وقال من حقي أغني لشعبي... اي زول بيفتش عن الحب والسعاده والفن كلو ح يلقاهو في اغاني مصطفى سيد أحمد 🤍.. لو لسه ما سمعت لي مصطفي أمشي أسمع الحزن النبيل وفي الاسئ ضاعت سنيني وقلت ليها وساافر 🤍..